Ag an 3ú himeacht bliantúil d’Fhéile Spóirt Fhine Gall, cuireadh fáilte roimh na mílte daoine 
a chónaíonn i bhFine Gall chuig Caisleán agus Gairdíní Mhullach Íde an 9 Lúnasa. Ghlac an 
lucht freastail páirt i spóirt éagsúla agus i ngníomhaíochtaí éagsúla, amhail rugbaí, cispheil 
agus tógáil meáchan, galf diosca, agus liathróid láimhe CLG. Rinne 25 Chomhlacht Rialaithe 
Náisiúnta san iomlán de chuid Spórt Éireann ionadaíocht dá spórt ag an bhféile, rud a thug 
lear deiseanna spóirt saor in aisce do phobal Fhine Gall ag an lá gníomhaíochta spóirt is mó 
i mBaile Átha Cliath

Sheol Comhairle Contae Fhine Gall comhairliúchán poiblí maidir le hIdirghabhálacha beartaithe os comhair na Scoile ag Coláiste Pobail na Sceirí, ag St Patrick’s Junior National School agus ag St Patrick’s Senior National School mar chuid de Phlean Taistil Ghníomhaigh na Sceirí.

Tá Comhairle Contae Fhine Gall ag iarraidh ar chónaitheoirí, ar ghrúpaí pobail agus ar eagraíochtaí áitiúla a dtuairimí a chur in iúl maidir le leathnú Charr Pobail Fhine Gall amach anseo. 

D’fhógair an Ghníomhaireacht um Fhorbairt Talún, Comhairle Contae Fhine Gall, agus Ballymore mionsonraí an phróisis iarratais do na chéad 73 theach céaduaire i nDiméin Hampton, Baile Brigín, Co. Bhaile Átha Cliath, inniu. 

Is iad na 73 theach sin na chéad tithe a chuirfear ar fáil lena gceannach laistigh de Chéim 1 den fhorbairt, atá á tógáil faoi láthair agus lena soláthrófar 259 dteach céaduaire agus shóisialta san iomlán.

D’éirigh leis an gclár ‘Áiteanna Ildánacha, Baile Brigín’ 11 ealaíontóir a roghnú chun obair le grúpaí pobail áitiúla i mBaile Brigín trí scéim cistiúcháin úrnua.

Tá trí ghrúpa pobail den scoth ó gach cearn d’Fhine Gall ar tí fáilte a chur roimh mholtóirí ó Chomórtas Ómós Áite IPB, 2026, an mhí seo chugainn, agus iad ag taispeáint na nuálaíochta, an ionchuimsithe agus an spioraid pobail a fhágann go bhfuil Fine Gall fós ar cheann de na contaetha is fearr in Éirinn maidir le forbairt pobail agus le hionchuimsiú.

D’fhógair Oifig Ealaíon Chomhairle Contae Fhine Gall, i gcomhpháirt le Age & Opportunity agus le hIonad Tyrone Guthrie, beirt a bhfuil cónaitheacht Fhine Gall faighte acu don bhliain 2026; Emma Fitzpatrick, amharc-ealaíontóir, agus Deborah Grimes, scríbhneoir.

Ag teacht sna sála ar thorthaí samplála a fuarthas inniu, aicmíodh cáilíocht an uisce ag Trá Theas an Rois mar cháilíocht Shármhaith. Mar thoradh air sin, bainfear anois an fógra “Toirmeasc ar Shnámh” a eisíodh an 19 Iúil 2026.

Tar éis tuairisc theagmhais mall-oíche a fháil ó Uisce Éireann Dé Domhnaigh an 19 Iúil, chinn Feidhmeannacht na Seirbhíse Sláinte (FSS) Fógra Toirmisc (Toirmeasc ar Shnámh) a chur i bhfeidhm ag Trá Theas an Rois mar bheart réamhchúraim chun sláinte an phobail a chosaint, lena n-áirítear comharthaí a chur suas ag an Trá Theas.

Tar éis athshampláil a dhéanamh, aicmíodh cáilíocht an uisce ag Trá Claremont, Binn Éadair, mar cháilíocht Shármhaith.