Osclaíonn leabharlanna Fhine Gall a ndoirse le haghaidh iasachtaí, leabhair a thabhairt ar ais agus brabhsáil thapaidh.
De réir mar a bhainistímid an filleadh ar ais de réir a chéile ar sheirbhísí iomlána, tabhair faoi ndeara le do thoil go bhféadfadh cuma beagánín difriúil a bheith ar rudaí, le scáileáin, aonaid díghalrán láimhe agus scaradh fisiciúil, ach táimid chomh sásta fáilte a chur romhat ar ais chun do leabharlann áitiúil a fhiosrú arís.
Bíonn ár leabharlanna ar oscailt le linn gnáthuaireanta oscailte dár bpátrúin chun leabhair agus DVDanna 7rl a bhrabhsáil agus a fháil ar iasacht.
Is féidir leat glaoch isteach chun na seilfeanna a bhrabhsáil agus leabhair a fháil ar iasacht agus a thabhairt ar ais. Iarraimid ort do chárta leabharlainne a thabhairt leat ionas gur féidir leat rochtain a fháil ar ár seirbhísí go léir.
Sa chéim thosaigh seo den athoscailt ní bheidh suíocháin ann chun léamh ná staidéar a dhéanamh, agus spreagtar úsáideoirí chun a gcuairt a choinneáil chomh gearr agus is féidir, agus na bothanna féinseirbhíse a úsáid.
Beidh cuairteoirí in ann priontáil agus fótachóipeanna a bhailiú ag ár stáisiúin phriontála.
Le linn na céime reatha seo den athoscailt: -
- Ligfear líon teoranta cuairteoirí isteach sa bhrainse ag aon am amháin agus mar sin b’fhéidir go mbeidh ort feitheamh i scuaine chun rochtain a fháil ar an leabharlann
- Úsáid na stáisiúin díghalrán láimhe inár leabharlanna
- Déan deimhin go gcloífidh tú le scaradh fisiciúil le linn do chuairte chuig an leabharlann le do thoil
- Is féidir earraí a sheiceáil amach ar na bothanna féinseirbhíse
- Caithfidh duine fásta a bheith in éineacht le leanaí faoi bhun 12 mbliana d’aois
- De bhun comhairle sláinte poiblí, iarrtar ar chuairteoirí ar an leabharlann clúdaigh aghaidhe a chaitheamh
Cuimhnigh gur féidir leat rochtain a fháil fós ar ár réimse seirbhísí ar líne freisin, ó ríomhleabhair, irisleabhair dhigiteacha agus cúrsaí ar líne – tá rud éigin do gach duine
Is féidir leat sliotán ama ríomhaire leabharlainne a chur in áirithe ar líne anois. Cliceáil ar an nasc seo https://bookapc.fingal.ie/ agus lean na treoracha
Is féidir leat ár ngnáthuaireanta oscailte a fháil anseo.
Leanfaimid ar aghaidh fad is go bhfuil éileamh lenár Seirbhís ‘Déan Teagmháil agus Bailigh’
Tá Leabharlann Bhaile Brigín oscailte arís ó inniu.