Cláracha Feasachta Timpeallachta do Scoileanna i bhFine Gall
Fáilte go Clár Feasachta Comhshaoil Fhine Gall do Scoileanna. Gheobhaidh tú anseo ceardlanna, cláir agus acmhainní chun tacú leatsa agus le do dhaltaí agus sibh ag tabhairt faoi aistear inbhuanaithe. Tá ár nOifigeach Feasachta Comhshaoil ar fáil freisin chun tacú le scoileanna maidir le téamaí an bhruscair, na dramhaíola agus an gheilleagair chiorclaigh.
Ríomhphost: <span>[email protected]
Tabhair faoi deara go bhfuil líon teoranta áiteanna sna cláir uile thíos ar fáil. Mar sin, moltar áit a chur in áirithe go luath. Ba cheart gach áirithint, agus gach ceist a bhaineann le ceardlanna, a dhéanamh go díreach le héascaitheoir na ceardlainne.
Cén Fáth a bhfuil Litearthacht Chomhshaoil Tábhachtach
Tá litearthacht chomhshaoil riachtanach do dhaltaí toisc go dtugtar dóibh léi an t-eolas agus na scileanna a theastaíonn chun na dúshláin chomhshaoil atá roimh ár ndomhan a thuiscint agus chun aghaidh a thabhairt orthu. Trí fheasacht a chothú ar an gcaoi a bhfeidhmíonn córais nádúrtha agus ar an gcaoi a mbíonn tionchar ag gníomhartha an duine ar an gcomhshaol, tugtar cumhacht do dhaltaí cinntí eolacha a dhéanamh agus gníomhartha freagracha a dhéanamh. Le litearthacht chomhshaoil, spreagtar smaointeoireacht chriticiúil, réiteach fadhbanna, agus braistint maoirseachta, agus daltaí á n-ullmhú do rannchuidiú le todhchaí inbhuanaithe agus do theacht chun bheith ina dtathantóirí ar son an cheartais comhshaoil agus an chaomhantais.
Scoileanna Glasa
Is é An Taisce, i gcomhpháirt leis na hÚdaráis Áitiúla, atá i mbun chlár 9-mbratach náisiúnta na Scoileanna Glasa a reáchtáil.
Múiríniú agus Athchúrsáil do Scoileanna – bunscoileanna agus meánscoileanna
Comhairle Contae Fhine Gall, i gcomhpháirt le Composting Ireland agus le hOifig Réigiúnach Bainistíochta Dramhaíola an Oirthir agus Lár Tíre, ag tairiscint an chláir um Athchúrsáil agus Múiríniú do Scoileanna saor in aisce do gach scoil i limistéar Fhine Gall.
Picker Pals do Bhunscoileanna
Is tionscnamh iontach é Picker Pals a thugann deis do ranganna 1 agus 2 i mbunscoileanna clárú chun pacáiste a fháil le tabhairt abhaile leo (tá sé seo urraithe ag Comhairle Contae Fhine Gall).
An Plean Gníomhaíochta Domhanda – bunscoileanna agus meánscoileanna
Tacaigh le gníomhú ar son na haeráide i do scoil inniu le ceardlann saor in aisce ón bPlean Gníomhaíochta Domhanda, rud atá á urrú ag Comhairle Contae Fhine Gall.
An Comórtas Relove Fashion
Tá an comórtas seo ar oscailt do dhaoine óga atá in aois na meánscoile (idir 12 bhliain d’aois agus 19 mbliana d’aois).
Piocadh Bruscair le haghaidh scoileanna
Soláthraíonn Comhairle Contae Fhine Gall pacáistí bruscair do scoileanna, níl le déanamh ach ríomhphost a sheoladh chugainn agus is féidir linn bainteoirí bruscair, veisteanna sofheicthe agus málaí a chur ar fáil.
Oideachas don Inbhuanaitheacht – bunscoileanna agus meánscoileanna
Cabhraigh le roinnt de na bearnaí atá ann maidir le hoideachas litearthachta aeráide a líonadh trí cheardlann saor in aisce le hOideachas don Inbhuanaitheacht a chur in áirithe, ar ceardlann í atá á hurrú ag Comhairle Contae Fhine Gall.
Faisean Inbhuanaithe Éireann – ceardlanna chun tacú le scoileanna atá rannpháirteach sa Chomórtas Relove Fashion
I saol an mhearfhaisin, cén costas iarbhír a ghabhann lenár gcuid éadaigh? Leis na ceardlanna ar líne seo, atá á n-urrú ag Comhairle Contae Fhine Gall, tabharfar tús eolais do dhaltaí ar chastachtaí an tionscail dhomhanda faisin agus ar an tionchar atá aige ar ár bpláinéad agus ar dhaoine araon.
Let’s Fix Fashion
Is é is an clár Let’s Fix Fashion de chuid Chlár na Scoileanna Glasa ann ná feachtas oideachasúil atá dírithe ar dhaoine óga a chumhachtú chun aghaidh a thabhairt ar thionchair dhiúltacha an mhearfhaisin.
Faigh Fearas Malartaithe Éadaí ar iasacht le haghaidh d’imeachta scoile malartaithe éadaí.
Chun tacú le scoileanna i bhFine Gall, tá Fearas Malartaithe Éadaí SAOR IN AISCE ar fáil le fáil ar iasacht le haghaidh d’imeachta scoile