Tá tús curtha ag Comhairle Contae Fhine Gall leis an bpróiseas tairisceana chun príomhchonraitheoir a earcú chun tabhairt faoi scéim Uasghrádaithe Acomhal Snugborough i mBaile Átha Cliath 15, tionscadal lena mbainfear amach feabhsuithe suntasacha do thiománaithe, do choisithe, do rothaithe agus d’úsáideoirí iompair phoiblí.

Chuir Méara Fhine Gall, an Comhairleoir Eoghan O’Brien, tús leis an tsraith trí dhaoine óga a spreagadh chun fanacht gníomhach agus chun a scileanna peile féin ‘ciceáil san aer’ a léiriú, le físeán atá ar fáil ag https://bit.ly/3bWhKFk – agus thug sé dúshlán gach comhairleoir Fhine Gall ar Twitter.

Chun tacú le custaiméirí tráchtála atá ag ullmhú le foirgnimh a úsáid arís tar éis tréimhse dhúnta nó tréimhse thearcúsáide, sheol Uisce Éireann mír nua ar water.ie ina bhfuil comhairle agus leideanna praiticiúla chun a chinntiú go mbeidh córais inmheánacha uisce agus fuíolluisce sábháilte do bhaill foirne, custaiméirí agus cuairteoirí.

Tá na deasca pleanála poiblí le hathoscailt ar an gCéadaoin, an 27ú Bealtaine 2020, ach caithfear coinne a dhéanamh roimh ré agus ní féidir breathnú ach ar iarratais phleanála reatha.  Is é an spriocdháta chun aighneachtaí a chur isteach agus na dátaí ar a bhfuil cinntí dlite le haghaidh iarratas faighte idir an 30ú Márta agus an 22ú Bealtaine, an 29ú Meitheamh 2020 agus an 20ú Iúil 2020 faoi seach.

I Márta 2020 thug An Post cártaí poist saor in aisce do gach teaghlach chun iad a sheoladh chuig baill teaghlaigh agus chuig cairde ar fud na tíre i rith thréimhse na dianghlasála. Ó tharla gurb é seo ré na meán sóisialta etc. tá deireadh tagtha le ré na gcártaí poist.

Oidhreacht ón mBaile: Suíomh taighde nach bhfuil an oiread sin aithne air, ar féidir leat tráthnóna a chaitheamh ag breathnú air, é TARA, nó Cartlann Rochtain ar Thaighde Choláiste na Tríonóide, http://www.tara.tcd.ie/Is stór rochtain oscailte é TARA agus níl an rochtain teoranta ach in imthosca dosheachanta, e.g. sa chás go bhfuil srianta cóipchirt foilsitheora i réim. I measc an iliomad bailiúchán tá bailiúchán an Oll. Edwin C. Rae, Ollamh le Stair na hEalaíne in Ollscoil Illinois, Champagne-Urbana.

Séadchomharthaí seandálaíochta agus struchtúir chosanta atá sna céadta suíomh i bhFine Gall. Sampla díobh sin is ea Teach Brazil (mar a rinne na seandálaithe taifead air) nó Teach Brazeel (dar leis na hailtirí). 

D'ainneoin a gcreideann an pobal i gcoitinne, rinneadh formhór fhoraoisí nádúrtha na hÉireann a ghlanadh roimh 1600. Rinneadh cuid mhaith den ghlanadh sin san aimsir réamhstairiúil. Sa mheánaois bhí coillte agus agus roschoillte scaipthe ar fud Fhine Gall ach bhí an cumhdach foraoise an-íseal go deo sa 17ú haois.