News

D’fhoilsigh an tÚdarás Inniúil um Thorann Aerárthaí a dtuarascáil bhliantúil don bhliain 2020. Tugtar léargas ginearálta sa tuarascáil ar rialachas agus feidhmeanna an Údaráis Inniúil. Déantar athbhreithniú ann ar chlár oibre an ÚITA a soláthraíodh in 2020 agus tugtar spléachadh ann freisin ar an gclár oibre a bheidh ag teacht aníos sa bhliain 2021.

Cuirfidh An tÚdarás Inniúil um Thorann Aerárthaí (ANCA) tús le measúnú ar an staid torainn ag Aerfort Bhaile Átha Cliath tar éis iarratas pleanála (Tagairt phleanála F20A/0668) a rinne Údarás Aerfort Bhaile Átha Cliath le déanaí chuig Roinn Pleanála Chomhairle Contae Fhine Gall.

Rinne údarás an aerfoirt iarratas chun coinníollacha pleanála a bhaineann le srianta oibriúcháin ag Aerfort Bhaile Átha Cliath a athrú chuig Roinn Pleanála Chomhairle Contae Fhine Gall. Agus a shainchúram reachtúil á chomhlíonadh aige, tá ANCA ag cur tús anois le measúnú ar an staid torainn ag Aerfort Bhaile Átha Cliath.

Tá tuairisc achomair foilsithe ag an Údarás Inniúil um Thorann ó Aerárthaí maidir le maolú torainn. 

Tá an ÚITA freagrach as a chinntiú go gcuirtear Scéim Inslithe Torainn Aerfort Bhaile Átha Cliath i bhfeidhm ar gach teach i limistéar ar a dtugtar “comhrian sainithe torainn”. Is é an comhrian imlíne, nó teorainn, an limistéir a shainaithnítear a bheith incháilithe d’insliú.

Tugtar réamheolas sa tuarascáil ar an Údarás, tugtar achoimre inti ar a oibríochtaí in 2019 agus cuirtear léargas ar fáil inti ar an obair a dhéanfaidh sé amach anseo.

Is é an tÚdarás Inniúil um Thorann Aerárthaí an comhlacht nua atá freagrach as a chinntiú go ndéantar measúnú ar thorann a ghineann gníomhaíocht aerárthaí ag Aerfort Bhaile Átha Cliath i gcomhréir le reachtaíocht an AE agus na hÉireann.