Search

Beidh cuma nua ar Sheanteach Cúirte Bhinn Éadair go luath mar go bhfuil tús curtha leis an obair athchóirithe ar an struchtúr stairiúil ar Bhóthar an Chuain agus leanfar leis na hoibreacha as seo go ceann cúpla mí.

Sheol Comhairle Contae Fhine Gall a Clár Tionscadal Samhraidh 2020. Tá sé ar fáil do ghrúpaí a chuireann seirbhísí fóillíochta agus oideachais ar fáil do dhaoine óga le linn an tsamhraidh

D'óstáil Comhairle Contae Fhine Gall, i gcomhpháirtíocht le Cumann Peile na hÉireann, a céad Féile Sacair Siúil na bliana nua ar an bpáirc imeartha nua den chineál is úire san Airéine faoi Dhíon sa Champas Náisiúnta Spóirt i mBaile an Aba.

Sheol Oifig Fiontair Áitiúil (OFÁ) Fhine Gall sraith imeachtaí agus tionscnaimh spreagúla ghnó a thitfidh amach ar fud an Chontae i rith Sheachtain na Fiontraíochta Áitiúla (SFÁ), a bheidh ar siúl i mbliana idir an 2 agus an 6 Márta.

Bhronn Méara Fhine Gall, an Comh. Eoghan O’Brien, agus Príomhfheidhmeannach Chomhairle Contae Fhine Gall, AnnMarie Farrelly, deimhnithe ar dhaoine ar éirigh lena n-iarratas ar dheontas do ghnó lena dtacaíonn Oifig Fiontair Áitiúil Fhine Gall. Cuireann Rialtas na hÉireann an cistiú ar fáil agus déanann Ciste Forbraíochta Réigiúnaí na hEorpa é a chómhaoiniú. Bhí na cuideachtaí i measc 130 cuideachta a faomhadh le 12 mhí anuas do dheontais airgeadais gnó (do ghnólachtaí nuathionscanta), deontais nuálaíochta, deontais fairsingithe gnó, Dearbháin Trádála ar Líne, deontais forbartha Easpórtálaí agus scéimeanna eile atá dírithe ar fhiontraíocht agus cruthú post a mhúscailt.

Tá an-áthas ar Leabharlanna Fhine Gall seoladh an taispeántais "What in the World – 50 Tír, 50 Scéal" i Leabharlann Bhaile Bhlainséir a fhógairt. Sheol Méara Fhine Gall, an Comhairleoir Eoghan O'Brien an taispeántas Dé Luain 3 Feabhra 2020.

Sheol Comhairle Contae Fhine Gall, in éineacht le hAonad Bhinn Éadair de chuid Garda Cósta na hÉireann agus ionadaithe ó ghrúpaí an phobail áitiúil, is iad sin Howth Pathways agus Coiste an Ordaithe um Limistéar Taitneamhachta Speisialta Bhinn Éadair, na comharthaí nua éigeandála ar Chosán Aille Íochtair Bhinn Éadair.

Bhí searmanas sínithe ar siúl Dé Máirt, 28 Eanáir 2020 i Seomra Chomhairle Contae Fhine Gall i Halla an Chontae, Sord, nuair a síníodh Meabhrán Tuisceana idir Líonra Rannpháirtíochta Poiblí (LRP) Fhine Gall agus Comhairle Contae Fhine Gall.

D'fhaomh comhairleoirí i gComhairle Contae Fhine Gall pleananna chun 87 teach sóisialta eile a thógáil ar thrí láithreán i Sord, Ceapach agus Cluain Seach, fad a leanann an Chomhairle dá gealltanais faoin bPlean Gníomhaíochta Atógáil Éireann a chur i gcrích.