Tugadh cuireadh do phobail, do theaghlaigh agus do ghrúpaí áitiúla ar fud na hÉireann oidhreacht a iniúchadh don tSeachtain Oidhreachta Náisiúnta 

Tá an cur chuige nua deartha chun comhroinnt taithí agus eolais a chur chun cinn. Ba chóir léirithe spéise agus smaointe tionscadail a chur faoi bhráid HeritageWeek.ie, agus ba chóir iad a dhéanamh i rith mhí an Mheithimh agus Iúil. Ba chóir tionscadail a chríochnú in am don tSeachtain Oidhreachta Náisiúnta nuair a thaispeánfar iad. Féadfaidh na formáidí a nglactar leo chun iad a thaispeáint a bheith éagsúil idir chainteanna nó thaispeántais ar líne, agus físeán, podchraoladh, cur i láthair taispeántas sleamhnán nó blag, clúdach sna meáin, suíomh Gréasáin tiomnaithe nó cuntas meán sóisialta modhnaithe, nó trí chruinnithe sóisialta beaga srianta, a chloíonn go hoifigiúil le comhairle sláinte poiblí. Breithneofar gach tionscadal a chuirtear isteach le haghaidh Dámhachtana Sheachtain na hOidhreachta.

Dúirt Christine Baker, Oifigeach Oidhreachta Fhine Gall: ‘Is éard atá i gceist le hoidhreacht ná daoine a nascadh agus tá deis againn é sin a dhéanamh ar bhealaí éagsúla an tSeachtain Oidhreachta seo. Beidh lucht féachana difriúla i bhformáidí éagsúla ag tionscadail cosúil le Léargas ar Stair Fhine Gall de chuid Líonra Oidhreachta Fhine Gall . Féadfaidh tú taighde ar an oidhreacht a dhéanamh ar leac an dorais agat, nó scil oidhreachta a roinnt nó a athfhoghlaim, nó tuilleadh a fháil amach faoi stair oideachais na hÉireann ’.

D’fhonn tacú le heagraithe tionscadail teacht ar ghné den oidhreacht ar mhaith leo a iniúchadh faoi théama na bliana seo, 'Oidhreacht agus Oideachas: Ag foghlaim ónár nOidhreacht’, féadtar trí fho-théama leathana a mheas do thionscadail:

• Oidhreacht ar leac an dorais agat : I gceist le tionscadail d’fhéadfadh taighde agus eolas áitiúil a bhailiú faoi shéadchomhartha nó sainchomhartha a bheith mar théama; bunús na nósanna nó na dtraidisiún áitiúil a iniúchadh agus conas a d’fhéadfadh athrú teacht orthu seo le himeacht ama; scrúdú a dhéanamh ar an tionchar a bhí ag gnéithe den tírdhreach áitiúil, ar nós canála, abhann nó locha, ar phobal; nó scéalta a bhailiú ó bhaill áitiúla den phobal a tháinig slán as an gcruachás (mar shampla, eipidéim eitinne na 1940idí).
• Scileanna ónár n-oidhreacht a athfhoghlaim: D’fhéadfadh scileanna dearmadta a iniúchadh d’fhonn iad a roinnt i measc na nglún óg a bheith i gceist le tionscadail; ceardaíocht, scileanna nó ceirdeanna a dhoiciméadú a raibh cáil ar do phobal mar gheall orthu roimhe seo; imscrúdú a dhéanamh ar leigheasanna traidisiúnta a bhí uathúil do cheantar a úsáideadh chun pianta agus tinneas coitianta a chóireáil, agus scéalta daoine aonair a mheabhraíonn leigheasanna den sórt sin a thaifeadadh; taighde a dhéanamh ar mhodhanna traidisiúnta ullmhúcháin nó caomhnaithe bia ar feadh na n-aoiseanna.
• Oidhreacht an oideachais: Sna tionscadail, d’fhéadfaí iniúchadh a dhéanamh ar stair seanscoile a d’fhreastail ar na glúine fada; ról scoil scairte áitiúil a thuiscint níos fearr; iniúchadh a dhéanamh ar stair lonnaíochta mainistreach; ceistiú conas atá athrú tagtha ar dhul ar scoil le himeacht ama.

Chomh maith le taighde nua a fhorbairt, d’fhéadfadh tionscadail athbhreithniú nó cur le tionscadal oidhreachta a d’fhéadfadh a bheith tosaithe cheana féin ar leibhéal an duine aonair, an teaghlaigh nó an phobail.  Sa chás seo, d’fhéadfadh gurb éard a bheadh i gceist le tionscadal na Seachtaine Oidhreachta Náisiúnta ná taighde a rinneadh cheana ar shéadchomhartha, uiscebhealach, nó scil nó traidisiún sa phobal a thaispeáint arís, agus bealaí nua a aimsiú chun feasacht air a mhéadú. Tá an Chomhairle Oidhreachta ag forbairt sraith acmhainní chun tacú le tionscadail, a chuirfear ar fáil ar HeritageWeek.ie                                                                                                          

Le haghaidh tuilleadh eolais, féach ar  www.heritageweek.ie. nó [email protected]   

Maidir leis an tSeachtain Oidhreachta Náisiúnta: Comhordaíonn an Chomhairle Oidhreachta an tSeachtain Oidhreachta Náisiúnta mar chuid de Laethanta Oidhreachta na hEorpa - comhthionscnamh de chuid Chomhairle na hEorpa agus an Aontais Eorpaigh ina nglacann níos mó ná 40 tír páirt inti gach bliain. Is é príomhaidhm Laethanta Oidhreachta na hEorpa feasacht ar ár n-oidhreacht thógtha, nádúrtha agus chultúrtha a chur chun cinn agus oidhreacht chultúrtha chomhchoiteann na hEorpa a chur chun cinn.

Tá an tSeachtain Oidhreachta Náisiúnta arna tacú ag an Roinn Cultúir, Oidhreachta agus Gaeltachta, agus reáchtáiltear í i gcomhar le Fáilte Ireland. Ag leibhéal an chontae, tá an tSeachtain Oidhreachta Náisiúnta  arna comhordú ag oifigigh oidhreachta údaráis áitiúil, ag a gcomhghleacaithe agus ag go leor grúpaí agus eagraíochtaí oidhreachta áitiúla a thugann go léir tacaíocht di. I measc na gcomhpháirtithe comhoibrithe tá Oifig na nOibreacha Poiblí; Clár Uisce an Údaráis Áitiúil; Iontaobhas Sainchomhartha na hÉireann; agus Comhairle Dhearaidh agus Cheardaíochta na hÉireann. I measc na gcomhpháirtithe tacaíochta tá RTÉ Supporting the Arts agus The Irish Times. Le haghaidh tuilleadh eolais, féach ar www.heritageweek.ie.