News

Tá gliondar croí ar Chomhairle Contae Fhine Gall a fhógairt gur osclaíodh dhá chlós súgartha nua i mBaile Brigín. D’oscail Méara Fhine Gall, an Comh. Eoghan O’Brien, clós súgartha an Ardáin Bhanna Ceoil i ngar don Túr Martello agus clós súgartha Shráid na Cé go hoifigiúil i gcuideachta an Phríomhfheidhmeannaigh AnnMarie Farrelly.

Tá ullmhúchán do Lá Fhéile Pádraig na bliana seo faoi bhealach agus tá seacht bparáid eagraithe ar fud an chontae. Beidh an chéad pharáid riamh ar siúl i Mullach Íde. Déanfaidh na paráidí comóradh ar bhealach beoga arís ar gach a mbaineann le hÉirinn agus beidh lá spóirt ann do chách.

Beidh cuma nua ar Sheanteach Cúirte Bhinn Éadair go luath mar go bhfuil tús curtha leis an obair athchóirithe ar an struchtúr stairiúil ar Bhóthar an Chuain agus leanfar leis na hoibreacha as seo go ceann cúpla mí.

Tá an-áthas ar Leabharlanna Fhine Gall seoladh an taispeántais "What in the World – 50 Tír, 50 Scéal" i Leabharlann Bhaile Bhlainséir a fhógairt. Sheol Méara Fhine Gall, an Comhairleoir Eoghan O'Brien an taispeántas Dé Luain 3 Feabhra 2020.

D'óstáil Comhairle Contae Fhine Gall, i gcomhpháirtíocht le Cumann Peile na hÉireann, a céad Féile Sacair Siúil na bliana nua ar an bpáirc imeartha nua den chineál is úire san Airéine faoi Dhíon sa Champas Náisiúnta Spóirt i mBaile an Aba.

Sheol Comhairle Contae Fhine Gall, in éineacht le hAonad Bhinn Éadair de chuid Garda Cósta na hÉireann agus ionadaithe ó ghrúpaí an phobail áitiúil, is iad sin Howth Pathways agus Coiste an Ordaithe um Limistéar Taitneamhachta Speisialta Bhinn Éadair, na comharthaí nua éigeandála ar Chosán Aille Íochtair Bhinn Éadair.

Sheol Comhairle Contae Fhine Gall a Clár Tionscadal Samhraidh 2020. Tá sé ar fáil do ghrúpaí a chuireann seirbhísí fóillíochta agus oideachais ar fáil do dhaoine óga le linn an tsamhraidh

Bhí searmanas sínithe ar siúl Dé Máirt, 28 Eanáir 2020 i Seomra Chomhairle Contae Fhine Gall i Halla an Chontae, Sord, nuair a síníodh Meabhrán Tuisceana idir Líonra Rannpháirtíochta Poiblí (LRP) Fhine Gall agus Comhairle Contae Fhine Gall.

Sheol Oifig Fiontair Áitiúil (OFÁ) Fhine Gall sraith imeachtaí agus tionscnaimh spreagúla ghnó a thitfidh amach ar fud an Chontae i rith Sheachtain na Fiontraíochta Áitiúla (SFÁ), a bheidh ar siúl i mbliana idir an 2 agus an 6 Márta.

Bhronn Méara Fhine Gall, an Comh. Eoghan O’Brien, agus Príomhfheidhmeannach Chomhairle Contae Fhine Gall, AnnMarie Farrelly, deimhnithe ar dhaoine ar éirigh lena n-iarratas ar dheontas do ghnó lena dtacaíonn Oifig Fiontair Áitiúil Fhine Gall. Cuireann Rialtas na hÉireann an cistiú ar fáil agus déanann Ciste Forbraíochta Réigiúnaí na hEorpa é a chómhaoiniú. Bhí na cuideachtaí i measc 130 cuideachta a faomhadh le 12 mhí anuas do dheontais airgeadais gnó (do ghnólachtaí nuathionscanta), deontais nuálaíochta, deontais fairsingithe gnó, Dearbháin Trádála ar Líne, deontais forbartha Easpórtálaí agus scéimeanna eile atá dírithe ar fhiontraíocht agus cruthú post a mhúscailt.