News

Tá Comhairle Contae Fhine Gall ag lorg ainmniúcháin le haghaidh Ghradaim na nOibrithe Deonacha Spóirt agus le haghaidh Ghradaim Chlubanna Spóirt na Bliana, ar gradaim iad lena dtugtar aitheantas do na daoine agus na heagraíochtaí a choinníonn an spórt i gcroílár ár bpobal.

Tá Comhairle Contae Fhine Gall tar éis achainí a dhéanamh ar dhaoine aon fhaisnéis a thabhairt tar éis do bhaill foirne corp carria gan cheann, a bhí mar chuid den tréad fianna ag Diméin an Droichid Nua, Domhnach Bat, a aimsiú maidin Déardaoin.

D’fhoilsigh Comhairle Contae Fhine Gall an Tuarascáil ar an mBearna Phá idir na hInscní 2025 uaithi inniu, rud ina dtarraingítear aird ar an difríocht chéatadánach idir an méid a íoctar le fir agus le mná ar an meán san eagraíocht, beag beann ar a róil agus ar a leibhéil.

Tá bród ar Chomhairle Contae Fhine Gall as a fhógairt go bhfuiltear tar éis tionscnamh nuálach a sheoladh i gcomhpháirt le Sparkpark, cuideachta Ioruach, ar dá bharr a thabharfar an chéad bheacht-teicneolaíocht páirceála rothar in Éirinn chuig limistéar Bhaile Átha Cliath 15.

De réir mar a thagann fuacht géar an gheimhridh i réim, tá Fine Gall réidh le fáilte a chur roimh shéasúr na Nollag – rud a fhágann gur tráth iontach é seo chun ár gClár Nollag don bhliain 2025 a chur i láthair.

Mar chuid dá tiomantas d’fhórsa saothair oilte agus iomaíoch a thógáil, tá Comhairle Contae Fhine Gall tar éis an chéad Chruinniú Mullaigh Scileanna riamh dá cuid á óstáil chun naisc idir an lucht oideachais agus an lucht tionscail a neartú agus chun forbairt fórsa saothair a bhrú chun cinn ar fud an chontae.

Páirceáil saor in aisce ag Íoc agus Taispeáin i mBaile Brigín, An Ros, Na Sceirí, Sord agus i Mullach Íde, Carrchlós Ghort an Droichid amháin ar feadh 3 Shatharn i mí na Nollag

I gcomhthráth le tráthnónta an gheimhridh a bheith ag éirí níos dorcha, tá ceithre údarás áitiúla Bhaile Átha Cliath tar éis teacht le chéile chun feachtas mór sábháilteachta ar bhóithre a sheoladh, mar atá ‘Soilse do Rothair’. San fheachtas sin, tugtar spreagadh do rothaithe ar fud an réigiúin soilse tosaigh agus cúil a úsáid chun fanacht infheicthe agus sábháilte ar na bóithre.

Seoladh an feachtas an 20 Samhain i Halla Cathrach Bhaile Átha Cliath, agus an Comh. Ray McAdam, Ard-Mhéara Bhaile Átha Cliath, an Comh. Pamela Kearns, Méara Átha Cliath Theas, an Comh. Tom O’Leary, Méara Fhine Gall, agus an Comh. Jim Gildea, Cathaoirleach Chomhairle Contae Dhún Laoghaire-Ráth an Dúin, ag teacht le chéile i léiriú aontachta ar son na sábháilteachta ar bhóithre ar fud Mhórcheantar Bhaile Átha Cliath.

Tá áthas ar Chomhairle Contae Fhine Gall, i gcomhar le Graphic Studio Dublin, a fhógairt gurb iad Mark Ryan agus Kriti Khatri, ealaíontóirí atá lonnaithe i bhFine Gall, faighteoirí na Dámhachtana Cónaitheachta Prionta Mínealaíne don bhliain 2025

Tá comhairleoirí tar éis buiséad Chomhairle Contae Fhine Gall don bhliain 2026 a cheadú. Is ionann an buiséad agus €433 mhilliún, rud a dhéanfaidh cáilíocht na seirbhísí atá á soláthar a chothú agus a fheabhsú agus a mhéadóidh an cistiú le haghaidh tionscadail bhonneagair ar fud an chontae.