Deontas Frith-Bhruscair Frith-Ghraifítí 2026
Reáchtálann Comhairle Contae Fhine Gall an Comórtas Frith-Ghraifítí Frith-Bhruscair gach bliain. Cuireann baill de Ghrúpaí Pobail ar fud Fhine Gall tús le go leor tionscadal éagsúla.
I measc na ngníomhaíochtaí is féidir a bheith ann tá glanadh bruscair, ballaí eastáit a phéinteáil, múrmhaisiúcháin a phéinteáil, limistéir bhithéagsúlachta a thabhairt isteach in áiteanna a bhfuil seans maith ann go mbíonn bruscar agus dumpáil iontu agus feachtais feasachta maidir le diúscairt bruscair agus bunanna toitíní. Tá an ciste páirturraithe ag an Roinn Comhshaoil, Gníomhaithe ar son na hAeráide agus Cumarsáide.
Cé atá in ann Iarratas a Dhéanamh?
Is féidir le réimse leathan grúpaí áitiúla páirt a ghlacadh; grúpaí pobail, clubanna spóirt, seideanna na bhfear agus na mban, cumainn chónaitheoirí, grúpaí gasóg, grúpaí tionóntaí, agus coistí na mBailte Slachtmhara- ba mhaith linn cloisteáil uathu! Má tá smaoineamh agat a chabhróidh le do phobal dul i ngleic le bruscar nó a spreagfaidh níos lú graifítí i do cheantar, inis dúinn. Ní rachaidh an méid iomlán a mhaoineofar thar €1,500 in aghaidh an iarratais.
Dáta Deiridh
Dé hAoine 17 Aibreán 2026 ag 4:30pm
Foirm iarratais:
Cliceáil anseo don fhoirm iarratais agus tuilleadh sonraí
Samplaí de thionscadail
Dramhaíl Vápála – Fadhb Bhruscair Nua-Aimseartha
Tá galtoitíní indiúscartha anois ar cheann de na cineálacha bruscair sráide is nuaí agus is tapúla atá ag fás. Go minic geal agus ildaite, d'fhéadfadh cuma neamhdhíobhálach a bheith orthu, ach tá plaisteach, miotal, cadhnraí litiam, agus iarmhar nicitín iontu — iad go léir díobhálach don chomhshaol.
D'fhéadfadh dramhaíl thocsaineach, tinte i mboscaí bruscair, agus damáiste fadtéarmach don chomhshaol a bheith mar thoradh ar dhiúscairt mhíchuí.
Cad faoi fheachtas feasachta pobail a eagrú ar thionchair an bhruscair vápála? Nó glantachán tiomnaithe pobail a eagrú?
Bithéagsúlacht in aghaidh Dumpála
An raibh a fhios agat gur féidir le bláthanna a chur, fálta, nó mionghairdíní a chruthú bruscar agus dumpáil mhídhleathach a laghdú i ndáiríre? Nuair is cosúil go dtugtar aire do cheantar, is lú an seans go mbainfidh daoine mí-úsáid as.
Smaoineamh tionscadail: Spota dubh dumpála a chlaochlú ina ghairdín pobail nó ina chrios atá cairdiúil do phailneoirí. Cuir comharthaíocht leis chun an tionscadal agus na buntáistí a bhaineann leis a mhíniú agus an óige áitiúil a bheith páirteach sa phlandáil nó sa dearadh.
Graifítí go Múrmhaisiú
Uaireanta ní bhíonn de dhíth chun graifítí a chosc ach beagán datha agus rannpháirtíocht an phobail. Is féidir le ballaí loitiméireachta a bheith ina n-ealaín phoiblí bhríomhar nuair a chlaochlaítear iad le tallann áitiúil.
Smaoineamh tionscadail: Rith tionscadal múrmhaisithe “Wall to WOW ”, ina mbeidh ealaíontóirí nó scoileanna áitiúla rannpháirteach chun dearaí fiúntacha a chruthú le teachtaireachtaí frith-bhruscair nó dearfacha pobail.
Lapaí le haghaidh Smaointe
Feachtas spraíuil ach éifeachtach a leagann béim ar an gcúis go bhfuil glanadh suas i ndiaidh madraí riachtanach chun leanaí, úsáideoirí cathaoireacha rothaí agus an pobal i gcoitinne a chosaint.
Seol scéala ríomhphoist chuig [email protected] agus beidh áthas orainn do cheist a fhreagairt.
Ioslóidáil an fhoirm iarratais: Frith-Bhruscair Frith-Ghraifítí Dáta deiridh d'iarratais 17 Aibreán 2026
