Place Shapers
Place Shapers
Is tionscadal scannáin, dearaidh uirbigh agus ailtireachta é Place Shapers ar chuir Oifig Ealaíon Chomhairle Contae Fhine Gall agus Foras Ailtireachta na hÉireann tús leis.
D'oibrigh daoine óga i bhFine Gall i bpáirt le hailtirí agus déantóir scannáin chun scrúdú a dhéanamh ar ailtireacht agus dearadh uirbeach a gcomharsanachtaí féin. D'oibrigh dalta idirbhliana ó Choláiste Pobail Bhaile Lotrail i mBaile Átha Cliath 15 agus Coláiste Pobail na Sceirí leis na hailtirí Robert Bourke, Maria Tarsouli, Kate Dowling agus Myrto Dowling, chomh maith leis an déantóir scannáin Peter Kelly. Le tacaíocht ón bhfoireann chruthaitheachta sin, fuair na daltaí tuiscint dhomhain ar ailtireacht, dearadh uirbeach agus scannánaíocht, rud a chuir ar a gcumas breithmheas criticiúil a thabhairt ar a dtimpeallacht thógtha agus nádúrtha.
Taifeadadh gach céim den tionscadal i scannán gearr faisnéise a léiríodh san Earrach 2013. Scaipeadh an scannán, na blaganna agus na hacmhainní lena mbaineann ar scoileanna, ionad óige, údaráis áitiúla agus grúpaí eile ábhartha in 2013. Chruthaigh an dá scoil blaganna ionas go mbeifear ábalta taifead a dhéanamh ar a bpróiseas cruthaitheachta.
Chuir an tionscadal samhail eiseamláireach ar idirghníomhaíocht idir daoine óga agus an timpeallacht thógtha, rud a chumasaigh idirphlé dearfach idir saoránaigh óga agus iad siúd atá freagrach as dearadh na timpeallachta. Bhuail daltaí leis na daoine a thógann, a dhearann agus a phleanálainn a dtimpeallacht thógtha, agus fuair siad léargas ar na struchtúir agus straitéisí a bhíonn i gceist le ceantair áitiúla a fhorbairt.
Fuair an tionscadal maoiniú ón Scéim Rannpháirtíochta san Ailtireacht 2012-13 de chuid na Comhairle Ealaíon, tríd an gClár um Bheartas an Rialtais ar Ailtireacht 2009-2015, agus fuarthas maoiniú breise ó Oifig Ealaíon Chomhairle Contae Fhine Gall. Thacaigh Draíocht, Ionad Ealaíon Bhaile Bhlainséir, le Place Shapers chomh maith.
Tá an foilseachán deiridh agus Scannán Faisnéise ar fáil vimeo.com/222706420
Déantar taifead ar phróiseas gach tionscadail scoile thíos chomh maith trína mblaganna féindírithe: