Podchraoladh Inside Fingal

Tá a cainéal podchraolta féin ag Comhairle Contae Fhine Gall, mar atá Inside Fingal. Is é is podchraoladh ann ná clár fuaime, díreach cosúil le Talk Radio, ach cláraíonn tú leis ar d’fhón cliste agus éisteann tú leis cibé uair is mian leat – agus tú sa charr, agus tú ag siúl amuigh, nó agus tú ag baint an fhéir. Is fút féin atá sé. Le podchraoladh Inside Fingal, tugtar thú isteach i gComhairle Contae Fhine Gall agus tugtar léargas duit ar an obair atá á déanamh ag comhairleoirí agus ag an bhfoireann chun áit níos fearr chun cónaí, obair agus gnó a dhéanamh ann agus chun cuairt a thabhairt air a dhéanamh d’Fhine Gall. Molaimid na haipeanna seo a leanas chun éisteacht leis an bPodchraoladh Inside Fingal: iTunes, Spotify, Stitcher, Castbox agus Google Podcasts. A luaithe a sheolaimid é, ná déan dearmad ar chlárú le Comhairle Contae Fhine Gall ar Facebook, Instagram, Twitter agus LinkedIn chun fógra a fháil faoi gach eagrán nua. Postáiltear gach podchraoladh ar www.fingal.ie/podcast freisin ionas gur féidir leat éisteacht le podchraoltaí roimhe seo. Tá súil againn go mbainfidh tú taitneamh as éisteacht le Inside Fingal agus go bhfaighidh tú léargas ar obair Chomhairle Contae Fhine Gall, do chomhairlese, a bhíonn ag obair ar do shon.

Eagrán Tríocha a Naoi

Táimid chun ár dteanga dhúchais a cheiliúradh leis an 3ú podchraoladh dár gcuid as Gaeilge. Éist le Bernie Kelly, an tOifigeach Gaeilge, agus í ag caint le Daire Bracken agus Brian O’Connor ó Roinn Ailtireachta Chomhairle Contae Fhine Gall. Táimid ag déanamh plé ar an nGaeilge, ar chlann a thógáil trí Ghaeilge, ar obair le Comhairle Contae Fhine Gall, ar ról an ailtire i réimsí amhail tithíocht, foirgnimh phoiblí, oifigí corparáideacha agus foirgnimh oidhreachta, ar Chaomhantas Ailtireachta, ar Ailtireacht, ar ghníomhú ar son na haeráide, agus ar nithe eile.

Eagrán Tríocha a hOcht

In Eagrán 38 de Inside Fingal, faighimid tuilleadh faisnéise ó MaryT Daly, an Stiúrthóir Oibríochtaí, faoin obair iontach atá á déanamh ag roinn oibríochtaí na Comhairle. Déanaimid deireadh ré i bhFine Gall a chomóradh freisin ós rud é go bhfuil MaryT ag dul ar scor óna ról tar éis di 40 bliain a chaitheamh ag obair sa Rialtas Áitiúil.

Eagrán Tríocha a Seacht

In Eagrán 37 de Inside Fingal, déanaimid caibidil deiridh i gComhairle Contae Fhine Gall a chomóradh ós rud é go bhfuil Betty Boardman, Leabharlannaí an Chontae, ag dul ar scor óna ról tar éis di 35 bliana a chaitheamh sa tseirbhís leabharlann. Tá Betty i mbun comhrá le Jack Cunnane, Céimí Cumarsáide, chun machnamh a dhéanamh ar a gairm.

Eagrán Tríocha a Sé

In Eagrán 36 de Inside Fingal, labhraíonn Fionnuala May, Ailtire an Chontae, Helena Bergin, Oifigeach Caomhantais Ailtireachta Feidhmiúcháin Sinsearach, agus Brian O’Connor, Ailtire Feidhmiúcháin, le Jack Cunnane, Céimí Cumarsáide, faoin obair atá á déanamh chun ár bhfoirgnimh stairiúla i bhFine Gall a chaomhnú.

San eagrán seo, cloisimid faoin úsáid atá á baint as teicnící foirgníochta traidisiúnta agus faoin dóigh ar féidir le Comhairle Contae Fhine Gall cabhrú le húinéirí foirgneamh stairiúil.

Eagrán Tríocha a Cúig

In Eagrán 35 de Inside Fingal, téann Paul Carroll, an Stiúrthóir Tithíochta i gComhairle Contae Fhine Gall, i gcuideachta Jack Cunnane, Céimí Cumarsáide, chun léargas a thabhairt ar an obair atá á déanamh chun tithe a sholáthar i limistéar Fhine Gall. Cloisimid faoi sholáthar tithe ar cíos de réir costais agus faoi sholáthar tithe inacmhainne, agus faoi na scéimeanna deontas éagsúla atá ar fáil agus atá ceaptha chun réadmhaoine folmha agus tréigthe a thabhairt ar ais in úsáid.

Eagrán Tríocha a Ceathair

In Eagrán 34 de Inside Fingal, téann AnnMarie Farrelly, Príomhfheidhmeannach Chomhairle Contae Fhine Gall, i gcuideachta Jack Cunnane, Céimí Cumarsáide, chun breathnú siar ar an mbliain ghnóthach a bhí sa bhliain 2025, amhail na mórthionscadail, na garspriocanna agus na héachtaí a baineadh amach i bhFine Gall, agus chun labhairt faoin mbliain 2026 agus faoi na blianta ina dhiaidh sin.

Eagrán Tríocha a Trí – Podchraoladh Inside Fingal.

Eagrán 33 de Phodchraoladh Inside Fingal. Podchraoladh Inside Fhine Gall. Is é an t-eagrán seo an 2ú podchraoladh dár gcuid as Gaeilge.

Táimid chun ár dteanga dhúchais a cheiliúradh leis an 2ú podchraoladh dár gcuid as Gaeilge. Éist le Bernie Kelly, Oifigeach Gaeilge Chomhairle Contae Fhine Gall, agus í ag caint le Lamese Anshasi, Oifigeach Cumarsáide sa rannóg Taistil Ghníomhaigh, le Jack Cunnane, Oifigeach Cumarsáide, le Emily Geoghegan, an tAonad Cúraim Custaiméirí, agus le Caitríona Geraghty, Oifigeach Spóirt. Táimid ag déanamh plé ar an nGaeilge, ar obair le Comhairle Contae Fhine Gall, ar Thaisteal Gníomhach agus an Rothaíocht, ar Chumarsáid, ar chumarsáid as Gaeilge, ar Chláir Spóirt, ar an Scéim Scoláireachtaí Gaeltachta, agus ar nithe eile.

Eagrán Tríocha a Dó In Eagrán 32 de Inside Fingal, labhraíonn Jack Cunnane, Céimí Cumarsáide i gComhairle Contae Fhine Gall, le Ciaran Staunton, Oifigeach Riaracháin i Roinn Forbartha Eacnamaíche, Fiontar agus Turasóireachta Chomhairle Contae Fhine Gall, faoi rannpháirtíocht Fhine Gall sa Scéim Forbartha (Phíolótach) Ceann Scríbe ‘Éire: Baile Oíche Shamhna’ de chuid Fháilte Éireann 2025. Ag teacht sna sála ar phróiseas iarratais iomaíoch, tháinig Comhairle Contae Fhine Gall chun bheith ar cheann de na seacht n-údarás áitiúla ar dámhadh cistiú dóibh chun féilte tumthacha a bhfuil Oíche Shamhna mar théama acu agus atá fréamhaithe san oidhreacht áitiúil, sa bhéaloideas agus sa spiorad pobail a fhorbairt.

Eagrán Tríocha Éist le baill foirne Chomhairle Contae Fhine Gall agus iad ag caint faoin nGaeilge agus faoi Sheachtain na hOidhreachta 2025 (#HeritageWeek2025). Le haghaidh Sheachtain Náisiúnta na hOidhreachta, thaifeadamar eagrán den Phodchraoladh Inside Fingal as Gaeilge le Bernie Kelly, le Lamese Anshasi, le Marie McManus, le Paula Hughes, le Ciara Farrell, le Orla Healy agus le Emily Geoghegan. Agus Seachtain Náisiúnta na hOidhreachta buailte linn, táimid chun ár dteanga dhúchais a cheiliúradh le podchraoladh as Gaeilge. Éist le Bernie Kelly, Oifigeach Gaeilge Chomhairle Contae Fhine Gall, agus í ag caint le Lamese Anshasi, le Marie McManus, le Paula Hughes, le Ciara Farrell, le Orla Healy agus le Emily Geoghegan. Táimid ag déanamh plé ar an nGaeilge, ar Sheachtain Náisiúnta na hOidhreachta, ar obair le Comhairle Contae Fhine Gall, agus ar nithe eile.

Eagrán Fiche a Naoi Tá Comhairle Contae Fhine Gall ag cabhrú le daoine a dteach a cheannach trína Scéim Tithíochta Inacmhainne, atá deartha chun an bhearna idir an méid is féidir le duine a íoc agus an praghas atá ar theach nua a cheannach a dhúnadh. In Eagrán 29 den Phodchraoladh Inside Fingal, faigheann Gerry McDermott tuilleadh faisnéise ó Tricia Matthews agus ó Ashling Turley, atá mar chuid d’fhoireann Tithíochta Inacmhainne na Comhairle.

Eagrán Fiche a hOcht In Eagrán 28 den phodchraoladh Inside Fingal, labhraíonn Eoin Connelly, Oifigeach Cumarsáide i gComhairle Contae Fhine Gall, leis an Dr James Carr ó Ollscoil Luimnigh agus le Valerie McAllorum ó Fhoireann Imeasctha Chomhairle Contae Fhine Gall faoin tionscadal SALAAM.

Eagrán Fiche a Seacht Is baill de Roinn Pleanála Chomhairle Contae Fhine Gall iad Fearghal McSweeney, Oifigeach Riaracháin, agus Solomon Aroboto, Pleanálaí Feidhmiúcháin Sinsearach, agus, in Eagrán 27 den Phodchraoladh Inside Fingal, labhraíonn siad le Gerry McDermott, an Ceann Cumarsáide, faoin bpróiseas pleanála agus, go háirithe, faoi fhorfheidhmiú pleanála.

Eagrán Fiche a Sé In Eagrán 26 den phodchraoladh Inside Fingal, labhraíonn Sinéad Murphy, an tInnealtóir Sinsearach le foireann Taistil Ghníomhaigh Chomhairle Contae Fhine Gall, faoin obair atá á déanamh aicise agus ag a foireann chun na céadta ciliméadar de bhonneagar sábháilte rothaíochta agus siúil a sholáthar, rud a fhágfaidh go mbeidh sé níos fusa do shaoránaigh sa chontae bogadh timpeall a limistéir gan gá a bheith acu lena gcarr a úsáid. Labhraíonn sí i nGaeilge mar chuid de sin agus labhraíonn sí freisin faoin oiliúint Ghaeilge a fuair sí tríd an obair.

Eagrán Fiche a Cúig Ceapadh Cathal Kearney le déanaí mar an chéad Oifigeach Rochtana lánaimseartha de chuid Chomhairle Contae Fhine Gall riamh, agus tá sé i mbun oibre cheana féin. In Eagrán 25 den phodchraoladh Inside Fingal, labhraíonn Cathal le Gerry McDermott faoin ról, faoin taithí a bhí aige roimhe seo mar chuid den Fhoireann Rochtana i gComhairle Contae Loch Garman, agus faoin tasc a bhaineann le rochtain a chur san áireamh i ngach rud a dhéanann Comhairle Contae Fhine Gall mar eagraíocht.

Eagrán Fiche a Ceathair Cheap Comhairle Contae Fhine Gall Sarah O’Neill mar Oifigeach Ealaíon nua an Chontae le déanaí. Tá breis agus 25 bliana de thaithí ar fhorbairt ealaíon ag Sarah, agus shuigh sí síos le Gerry McDermott le haghaidh Eagrán 24 de Inside Fingal chun labhairt faoina gairm go dtí seo agus faoina pleananna le haghaidh na n-ealaíon i bhFine Gall.

Eagrán Fiche a Trí In Eagrán 23 den phodchraoladh Inside Fingal, labhraímid leis an gComh. Howard Mahony, Méara Fhine Gall atá ag dul as oifig, faoin mbliain a chaith sé i mbun oifige, agus faighimid léargas ar an ról atá ag an gcéad saoránach de chuid an chontae.

Eagrán Fiche a Dó In Eagrán 22 den Phodchraoladh Inside Fingal, tá Gerry McDermott, láithreoir, i mbun comhrá le Kevin Halpenny, Stiúrthóir Páirceanna Sinsearach i gComhairle Contae Fhine Gall, a labhraíonn faoi fhorbairt páirceanna agus spásanna oscailte Fhine Gall, faoi Bheartas Súgartha na Comhairle agus faoi athchóiriú Chaisleán Bhrí Mhór agus Ghairdíní Shackleton.

Eagrán Fiche a hAon Chun Seachtain an Aosaithe Dhearfaigh a chomóradh, labhraítear in Eagrán 21 de Inside Fingal le Tricia Matthews, Bainisteoir Chlár Aoisbhá Chomhairle Contae Fhine Gall, faoin obair a rinne a foireann chun Straitéis Aoisbhá Fhine Gall a chur chun feidhme.

Eagrán Fiche Le 1,500 bliain anuas, tá athrú tagtha ar Shord óna lonnaíocht mhainistreach ina bhaile contae de chuid Fhine Gall agus, sna blianta atá le teacht, tá sé le haicmiú mar chathair a bhfuil a daonra ag fás. Mar ullmhúchán don daonra sin, d’fhorbair Comhairle Contae Fhine Gall an Straitéis Sord Inbhuanaithe, atá dírithe ar athbheochan straitéiseach agus ar fhorbairt inbhuanaithe an bhaile atá ann cheana. In Eagrán 20 de Inside Fingal, cloiseann Gerry McDermott ó Róisín Burke, Pleanálaí Sinsearach, agus ó Linda Lally, Innealtóir Feidhmiúcháin Sinsearach, faoin straitéis, atá faoi réir comhchomhairliúchán poiblí faoi láthair.

Eagrán a Naoi Déag Mar chuid d’athnuachan lár baile Shoird, tá sé beartaithe ag Comhairle Contae Fhine Gall Lárionad Cathrach agus Cultúir nua a thógáil i gcroílár bhaile contae Fhine Gall. Tá mór-gharsprioc bainte amach ag tionscadal Cheathrú Chultúir Shoird, agus na pleananna don Lárionad Cathrach agus Cultúir nua a bheith curtha amach le haghaidh comhchomhairliúchán poiblí. In Eagrán 19 de Inside Fingal, labhraíonn Gerry McDermott le Fionnuala May, Ailtire an Chontae, le John Tuomey ó O’Donnell Tuomey Architects, le Betty Boardman, Leabharlannaí an Chontae, agus le Rory O’Byrne, Oifigeach Ealaíon an Chontae, faoin méid atá beartaithe.

Eagrán a hOcht déag Agus a bliain i mbun oifige ag teacht chun deiridh, féachann an Comh. Seána Ó Rodaigh, Méara Fhine Gall, siar ar a téarma mar an chéad saoránach de chuid Fhine Gall san eagrán is déanaí den phodchraoladh Inside Fingal.

Eagrán a Seacht Déag In Eagrán 17 den phodchraoladh Inside Fingal, tá agallamh le Hans Visser, Oifigeach Bithéagsúlachta Chomhairle Contae Fhine Gall, a labhraíonn faoin Dréacht-Phlean Bithéagsúlachta a foilsíodh le déanaí agus faoi roinnt de na tionscadail spéisiúla a raibh baint aige leo, amhail Seanghabhair Éireannacha a thabhairt isteach arís go Binn Éadair agus bogaigh a chruthú in Anaclann Dúlra Thuirbhe.

Eagrán a Sé Déag Tá rún daingean ag Comhairle Contae Fhine Gall an geilleagar digiteach a fheabhsú agus tacaíocht a thabhairt do phobail chun leas a bhaint as sochaí atá cumasaithe go digiteach. In Eagrán 16 den phodchraoladh Inside Fingal, labhraíonn Gerry McDermott le Aishling Hyland, Oifigeach Cláir Dhigitigh na Comhairle, faoin gclaochlú digiteach atá ag tarlú ar fud an chontae.

Eagrán a Cúig Déag In Eagrán 15 den phodchraoladh Inside Fingal, labhraíonn Gerry McDermott le Rory O’Byrne, Oifigeach Ealaíon Chomhairle Contae Fhine Gall, faoin dóigh a bhfuil forbairt tagtha ar na hEalaíona laistigh d’Fhine Gall ó uair a cheapacháin sa bhliain 1994 i leith.

Eagrán a Ceathair Déag An 1 Feabhra 2019, tháinig Comhairle Contae Fhine Gall chun bheith ar an gcéad údarás áitiúil in Éirinn a d’aistrigh chuig samhail láraithe soláthair nuair a bunaíodh an Láraonad Soláthair. In Eagrán 14 den phodchraoladh Inside Fingal, míníonn Brian Murray, Oifigeach Soláthair na Comhairle, conas a oibríonn an soláthar earnála poiblí agus conas a sholáthraíonn an tAonad tacaíocht iomlán tairisceana do ranna ar fud na heagraíochta.

Eagrán a Trí Déag Baineann Eagrán 13 de Inside Fingal leis an oideachas, leis an nuálaíocht, leis an Idirbhliain, leis an mBreatimeacht, leis an bhforbairt phearsanta, leis an aclaíocht, agus leis an bpeil. Is Oifigeach Forbartha Peile de chuid FAI le Comhairle Contae Fhine Gall é Denis Hyland, agus is é Comhordaitheoir an Chúrsa Idirbhliana Peile agus Aclaíochta in Ionad Spóirt na Coirre Duibhe é. Labhraíonn sé le Gerry McDermott faoin gcúrsa uathúil sin a thosaigh sa bhliain 2016, agus a bhfuil duine dá chéimithe, mar atá Andrew Omobamidele, díreach tar éis a chéad chluiche a imirt d’fhoireann idirnáisiúnta shinsearach na hÉireann.

Eagrán a Dó Dhéag Beidh Seachtain Náisiúnta na hOidhreachta 2021 ar siúl ón Satharn an 14 Lúnasa go dtí an Domhnach an 22 Lúnasa. I bhFine Gall, tabharfaidh Christine Baker, Oifigeach Oidhreachta Chomhairle Contae Fhine Gall, tacaíocht di. In Eagrán 12 den phodchraoladh Inside Fingal, labhraíonn sí le Gerry McDermott faoi Sheachtain Náisiúnta na hOidhreachta, faoi ról an Oifigigh Oidhreachta agus faoina thábhachtaí atá sé go mbeadh eolas againn faoinár nOidhreacht, agus tugann sí léargas freisin ar roinnt de na tionscadail oidhreachta iontacha ar tugadh fúthu i bhFine Gall.

Eagrán a hAon Déag Baineann Eagrán 11 de Inside Fingal le tránna agus caitear súil ann ar chuid den obair atá ar bun ag Comhairle Contae Fhine Gall chun ár dtránna a dhéanamh sábháilte agus taitneamhach do chách agus, ag an am céanna, chun timpeallacht uathúil ár gcóstaí a chosaint. Sa chlár seo, cloisimid faoi Ghardaí Tarrthála, faoi Cháilíocht an Uisce Snámha, agus faoi thionscadal speisialta atá á dhéanamh chun Trá Dhomhnach Bat a athchóiriú agus a chosaint. Cloisimid freisin cén fáth a mbíonn an Glantachán Trá Dhá Nóiméad ina rud tábhachtach le déanamh gach uair a thugann tú cuairt ar an trá.

Eagrán a Deich In Eagrán 10 den Phodchraoladh Inside Fingal, labhraíonn Paul Carroll, Innealtóir Sinsearach le Comhairle Contae Fhine Gall, faoi Ghlasbhealaí agus faoi na tionscadail éagsúla Ghlasbhealaigh atá á stiúradh aige ar fud an chontae, lena n-áirítear Bealach Cósta Fhine Gall, Glasbhealach Uirbeach na Canálach Ríoga, agus Bealach an Mhóinéir Leathain.

Eagrán a Naoi Tá tús curtha anois leis an bpróiseas dhá bhliain chun Plean Forbartha Fhine Gall nua 2023-2029 a chruthú, agus tá Comhairle Contae Fhine Gall ag lorg aighneachtaí ón bpobal faoi láthair. In Eagrán 9 de Inside Fingal, labhraíonn Gerry McDermott le Róisín Burke, Pleanálaí Sinsearach, faoi phróiseas an Phlean Forbartha, faoi thábhacht an Phlean Forbartha, faoi na fadhbanna atá le sárú i bhFine Gall, agus faoi conas aighneacht a dhéanamh.

Eagrán a hOcht In Eagrán 8 den Phodchraoladh Inside Fingal, labhraíonn Gerry McDermott le Michael Campbell agus Enda Hoey ón Roinn Comhshaoil, Gníomhaithe ar son na hAeráide agus Taistil Ghníomhaigh faoin dóigh a bhfuil Comhairle Contae Fhine Gall ag déileáil leis an méadú atá tagtha ar mhéideanna bruscair, ar dhiúscairt mhídhleathach, agus ar dhumpáil ar fud an chontae.

Eagrán a Seacht Díreach sula ndeachaigh sí ar scor le déanaí óna ról mar Phríomhoifigeach Spóirt Chomhairle Contae Fhine Gall, labhair Marion Brown le Gerry McDermott le haghaidh Eagrán 7 de Inside Fingal faoi na 19 mbliana a chaith sí san Oifig Spóirt, oifig a ndeachaigh sí isteach inti nuair a bunaíodh í sa bhliain 2002. Tugann sí léargas fíorspéisiúil ar fhorbairt an spóirt sa chontae agus laistigh den Chomhairle, agus insíonn sí faoi na himeachtaí a thug mórbhród di as obair a foirne d’oifigigh thiomnaithe spóirt.

Eagrán a Sé Is é Oisín Geoghegan, ceann Oifig Fiontair Áitiúil Fhine Gall agus cathaoirleach reatha líonra náisiúnta na nOifigí Fiontair Áitiúil, an t-aoi ar Eagrán 6 den phodchraoladh Inside Fingal. Labhraíonn Oisín faoi obair na hOifige Fiontair Áitiúil agus faoin raon leathan tacaíochtaí a chuireann sí ar fáil do ghnólachtaí Fhine Gall, chomh maith le réamhamharc a thabhairt ar an tSeachtain Fiontair Áitiúil, a thosaíonn an 1 Márta.

Eagrán a Cúig In Eagrán 5 de Inside Fingal, labhraíonn Aoife Sheridan, ón Roinn Forbartha Eacnamaíche, Fiontar, Turasóireachta agus Cultúrtha, faoin tionscnamh ‘Fine Gall Inbhuanaithe’ de chuid Chomhairle Contae Fhine Gall, a bhfuil sé mar aidhm leis gnólachtaí ar fud Fhine Gall a spreagadh chun glacadh le bearta inbhuanaithe. Tugann sí breac-chuntas ar roinnt de na dóigheanna a rachfar chun tairbhe do ghnólachtaí má leabaíonn siad an inbhuanaitheacht isteach i ngnáthreáchtáil laethúil a ngnó.

Eagrán a Ceathair In Eagrán 4 de Inside Fingal, tá agallamh le Ronan O’Reilly, Comhordaitheoir um an Athrú Aeráide i gComhairle Contae Fhine Gall, ina bpléitear an Plean Gníomhaithe ar son Athrú Aeráide de chuid na Comhairle agus an dóigh ar féidir le daoine aonair a gcéimeanna féin a ghlacadh chun cabhrú le dul i ngleic leis an bhfadhb dhomhanda sin.

Eagrán a Trí In Eagrán a Trí, tá agallamh le Betty Boardman, Leabharlannaí an Chontae, tuarascáil ar fhorbairt Fhaiche an tSráidbhaile i Mullach Íde, agus achoimre ar an nuacht is déanaí ón gComhairle, mar aon le comórtas le haghaidh dearbhán One4all dar luach €100 a bhuachan.

Eagrán a Dó Fáilte chuig an dara heagrán uainn, arb agallamh speisialta é le Emer O’Gorman, an Stiúrthóir Forbartha Eacnamaíche, Fiontar, Turasóireachta agus Cultúrtha i gComhairle Contae Fhine Gall, ina bpléitear an dóigh a bhfuil an Chomhairle ag tacú le gnólachtaí Fhine Gall le linn phaindéim COVID-19 atá ann faoi láthair.

Eagrán a hAon Tá súil againn go mbainfidh tú taitneamh as ár gcéad eagrán riamh, ina bhfuil agallaimh le AnnMarie Farrelly, Príomhfheidhmeannach Chomhairle Contae Fhine Gall, agus le David Healy, Méara Fhine Gall. Bí cinnte go nglacfaidh tú páirt inár gcomórtas chun go mbeidh seans agat dearbhán One4all a bhuachan. Teagmháil Oscail na roghanna cumraíochta ‘Teagmháil’ • Teagmháil • Tabhair Aiseolas • Teagmhálaithe Éigeandála Tuilleadh Oscail na roghanna cumraíochta ‘Tuilleadh’ • Léarscáil suímh • Téarmaí agus Coinníollacha • Príobháideacht • Fianáin • Inrochtaineacht Nasc Linn Oscail na roghanna cumraíochta ‘Nasc Linn’ • Foláirimh Fhine Gall Aimsigh sinn ar Facebook - Osclófar an nasc i dtáb nua Comhairle Contae Fhine Gall ar YouTube - Osclófar an nasc i dtáb nua Comhairle Contae Fhine Gall ar LinkedIn - Osclófar an nasc i dtáb nua Comhairle Contae Fhine Gall ar Instagram - Osclófar an nasc i dtáb nua Comhairle Contae Fhine Gall ar TikTok - Osclófar an nasc i dtáb nua Comhairle Contae Fhine Gall ar Threads - Osclófar an nasc i dtáb nua Comhairle Contae Fhine Gall ar Bluesky - Osclófar an nasc i dtáb nua Comhairle Contae Fhine Gall ar WhatsApp - Osclófar an nasc i dtáb nua