Deis d’ealaíontóirí cur isteach ar Ghradam Stiúideo Scoil an Acadaimh Ibeirnigh Ríoga mór le rá
Soláthraíonn an gradam mór le rá seo spás stiúideo maoinithe d’ealaíontóir gairmiúil amháin san AIR ar feadh bliana ag tosú ag deireadh mhí Dheireadh Fómhair 2025.
D'fhógair Oifig Ealaíon Chomhairle Contae Fhine Gall, i gcomhpháirtíocht leis an Acadamh Ibeirneach Ríoga (AIR), go mbeidh Gradam Stiúideo Scoile an RHA ar ais. Soláthraíonn an gradam mór le rá seo spás stiúideo maoinithe d’ealaíontóir gairmiúil amháin san AIR ar feadh bliana ag tosú ag deireadh mhí Dheireadh Fómhair 2025.
Tá an gradam seo oscailte d’ealaíontóirí gairmiúla atá ag cleachtadh ag gach céim gairme atá ag obair sna hAmharcealaíona. Le bheith incháilithe, ní mór gur rugadh iarratasóirí, go ndearna siad staidéar i nó go bhfuil cónaí orthu faoi láthair i limistéar riaracháin Fhine Gall.
Dúirt Méara Fhine Gall, an Comhairleoir Brian McDonagh: “Tá an-áthas ar Chomhairle Contae Fhine Gall i gcomhpháirtíocht leis an AIR an gradam mór le rá seo a thabhairt ar ais. Tá sé mar aidhm ag an ngradam seo gairm bheatha ealaíontóra a fhorbairt agus barr feabhais na healaíne i bhFine Gall a aibhsiú.”
Dúirt Sarah O’Neil, Oifigeach Ealaíon Chomhairle Contae Fhine Gall: “Tugann an gradan seo deis uathúil d’fhaighteoirí iad féin a thumadh laistigh den institiúid amharcealaíon is sine in Éirinn faoi stiúir ealaíontóirí, áit a gcruthaítear, a dtaispeántar agus ina bpléitear ealaín. Is timpeallacht iontach é an Stiúideo AIR le go bhféadfaidh ealaíontóirí a gcleachtas a fhorbairt agus líonrú le healaíontóirí eile.”
Spreag faighteoir Ghradam Stiúideo Scoile AIR 2024, Eileen Leonard Sealy, ealaíontóirí le hiarratas a dhéanamh: “Tar éis gradam stiúideo AIR Fhine Gall a bheith bronnta orm chuir sé mo chumas an saothar a dhéanamh do mo chéad taispeántas aonair ag The Lab Gallery, Baile Átha Cliath. Thug an spás deis dom scála mo shaothair a mhéadú agus spriocanna uaillmhianacha a leagan síos don seó. Tar éis dom a bheith mar chuid de phobal bríomhar cosúil leis an AIR lena gailearaithe, lena scoil agus lena chláir éagsúla, ba thairbheach dom mo chuid oibre a lonnú i gcomhthéacs níos leithne comhaimseartha.”
Is é an dáta deiridh le haghaidh iarratas ná Dé Máirt an 20ú Bealtaine 2025 ag 4:00in.
Is féidir aon cheisteanna nó iarratais ar thuilleadh eolais a chur ar aghaidh chuig [email protected]
Is ealaíontóir í Eileen Leonard Sealy atá ina cónaí agus ag obair i bhFine Gall, a bhain céim amach ó CNED i 2023 le Céim sa Phéintéireacht. Tar éis di a bheith ag obair mar ealaíontóir cónaithe i reilig nádúrtha san Ísiltír i 2020 ar feadh tréimhse cúig mhí agus ag tabhairt faoi thuras taighde chuig ardchríocha Sulawesi, an Indinéis, arna mhaoiniú ag Dámhachtain Iontaobhais Cuimhneacháin Shóisearaigh Thomas Dammann, déanann saothar Eileen a dícheall scéalta amhairc a chruthú a chruthaíonn cosúlachtaí idir eispéiris choitianta aonraithe an duine.
Bhí saothar Eileen ar taispeáint i dtaispeántais ghrúpa lena n-áirítear Taispeántais Bliantúla AIR 194ú agus 193ú (2024, 2023); ‘A Painting Show This Good Friday’, The Dean, Baile Átha Cliath (2024); ‘The ladder is always there’, le Shell/ter collective, Dánlann Draíocht (2023); ‘Two women and a child in tears’, seó duo, Dánlann Lána an Choláiste, Baile Átha Cliath agus tá saothar léi san áireamh in Racht, suirbhé Hermans ar ealaín chomhaimseartha na hÉireann, 2023.
Bhí sí ar an ngearrliosta do Ghradam CRMÉ, agus Gradam Hennessy Craig/Duais Homan Potterton ag an AIR, 2024, agus fuair sí Scéim Tacaíochta d’Ealaíontóirí Chomhairle Contae Fhine Gall i 2024.
Bronnadh Gradam Stiúideo Scoile an AIR uirthi i 2024 agus d’úsáid sí an spás chun obair a dhéanamh ar a céad taispeántas aonair a reáchtáladh sa Lab, Baile Átha Cliath ar an 16ú Eanáir – 1ú Márta 2025.