Ciste na Séadchomharthaí Pobail 2022

Tá Ciste na Séadchomharthaí Pobail le haghaidh 2022 anois ag glacadh le hiarratais.  Ba sa bhliain 2020 a bunaíodh Ciste na Séadchomharthaí Pobail den chéad uair agus is éard atá i gceist leis go ndéantar infheistíocht inár n-oidhreacht sheandálaíochta luachmhar agus cabhraíonn an Ciste le húinéirí agus le caomhnóirí séadchomharthaí seandálaíochta iad a chosaint amach anseo chun tairbhe pobal agus an phobail. 

Is iad príomhaidhmeanna an Chiste seo séadchomharthaí seandálaíochta a chaomhnú, a chothabháil, a chosaint agus a chur i láthair. Éascóidh an Ciste an méid seo a leanas:

• cumasóidh sé oibreacha caomhantais a chur i gcrích ar shéadchomharthaí a mheastar atá suntasach agus a dteastaíonn tacaíocht uathu ar bhonn práinne;
• spreagfaidh sé rochtain ar shéadchomharthaí agus feabhsóidh sé an chuma atá orthu;
• cothóidh sé seasmhacht ár séadchomharthaí chun cur ar a gcumas déileáil le héifeachtaí an athraithe aeráide. 

In 2021 leithdháileadh maoiniú luach beagnach €270,000 trí Chomhairle Contae Fhine Gall ar ocht dtionscadal lena n-áirítear oibreacha comhdhlúthaithe ag Caisleán Chaisleán Cnucha; deisíodh balla Reilig Chill Shalcháin agus cuireadh oibreacha cosanta i gcrích ag an láthair adhlactha i nGleann Abhainn an Bharda. Cuireadh roinnt suirbhéanna agus tuarascálacha innealtóireachta caomhantais i gcrích ag túir Cholmáin, Sord, eaglais i nDiméin Mhullach Íde, San Mearnóg agus San Caitríona agus Túrtheach an Roise, a úsáidfear mar bhonn le hoibreacha a gcuirfear i gcrích amach anseo agus chomh maith leis sin cuireadh iniúchadh seandálaíochta i gcrích bunaithe ar Leithinis Dhomhnach Bat-Phort Reachrann.

Bhí an méid seo a leanas le rá ag Oifigeach Oidhreachta Fhine Gall, Christine Baker, ‘Tá breis is 1200 láithreán agus séadchomhartha seandálaíoch i bhFine Gall. Ní hamháin gur deis é an ciste seo chun na láithreáin agus séadchomharthaí a chosaint agus a chomhdhlúthú is deis atá ann freisin a chinntiú go bhfuiltear ag cur leis an méid atá ar eolas ag daoine fúthu agus go bhfuil an chuma atá orthu á feabhsú agus ar an tslí sin táthar ag cinntiú go bhfuil ár n-oidhreacht sheandálaíoch níos inrochtana do gach duine’. 

Tá Comhairle Contae Fhine Gall anois ag glacadh le hiarratais faoin dtrí shnáithe atá le cur i gcrích in 2022:

1. Tairgfidh Snáithe 1 deontais suas le €85,000 a bhfuil sé mar aidhm leo oibreacha deisithe agus caipitil a dhéanamh atá riachtanach le haghaidh caomhnú agus deisiú séadchomharthaí seandálaíochta

2. Tairgfidh Snáithe 2 deontais suas le €30,000 chun Pleananna/Tuarascálacha Bainistíochta Caomhantais a fhorbairt a bhfuil sé mar aidhm leo bearta a shainaithint le haghaidh caomhnú séadchomharthaí seandálaíochta agus chun rochtain phoiblí a fheabhsú.

3. Tairgfidh Snáithe 3 deontais suas le €30,000 chun bonneagar rochtana agus áiseanna léirléimh (lena n-áirítear fíorúil/ar líne) ag séadchomharthaí seandálaíochta a fheabhsú (lena n-áirítear beartas sláinte poiblí COVID 19)

Ba cheart d’iarratasóirí nó grúpaí pobail ar úinéirí nó feighlithe séadchomharthaí iad an méid seo a leanas a dhéanamh:

• Foirm CMF-A thíos a chomhlánú (na rannóga ábhartha)
• Ráiteas Modha cuimsitheach a cheangal leis an iarratas
• an t-iarratas a sheoladh chuig: An tOifigeach Oidhreachta, Comhairle Contae Fhine Gall roimh an 15 Feabhra 2022 

Má tá aon cheist agat seol ríomhphost chuig an Oifigeach Oidhreachta    [email protected]   

Community Monuments Fund 2022 - Explanatory Memorandum CMF2022

Community Monuments Fund 2022 - Application Form CMF/A

Ciste na Séadchomharthaí Pobail 2022 - Meabhrán Mínithe CMF2022 - Gaeilge

Ciste na Séadchomharthaí Pobail 2022 - Foirm Iarratais CMF/A - Gaeilge