An t-eolas is déanaí maidir leis an dul chun cinn ar Bhóthar Dáileacháin nua Dhomhnach Bat á roinnt ag an Méara agus Príomhfheidhmeannach leis an Taoiseach
Roinn Méara Fhine Gall, an Comhairleoir Eoghan O’Brien, agus Príomhfheidhmeannach Chomhairle Contae Fhine Gall, AnnMarie Farrelly, an scéala is déanaí leis an Taoiseach Leo Varadkar, TD, maidir leis an dul chun cinn atá á dhéanamh ar Bhóthar Dáileacháin Dhomhnach Bat le linn dó a bheith ar cuairt ar an suíomh inniu.
Tá an bóthar atá 4km ar fad, an chéad tionscadal atá á dhéanamh sa chontae faoi Chiste Bonneagair Áitiúil um Sheachadadh Tithíochta a Ghníomhachtú Atógáil Éireann, le críochnú laistigh d’ocht seachtaine agus beidh 1,200 teach á gcur ar fáil sa mheántéarma agus meastar go mbeidh 2,200 teach á gcur ar fáil san fhadtéarma.
Áirítear san fhigiúr sin thart ar 1,200 teach nua tionacht mheasctha ar thalamh atá faoi úinéireacht na Comhairle ag Baile Mastún mar aon le hinfheistíocht €3m a bheith á déanamh ag Comhairle Contae Fhine Gall i mol oideachais agus áineasa atá taobh leis na tailte cónaitheacha agus leis an mbóthar dáileacháin.
Chomh maith leis sin, soláthróidh an bóthar an dara trasrian droichid thar phríomhlíne iarnróid Bhaile Átha Cliath-Bhéal Feirste, a bheidh mar bhonn leis an trácht i sráidbhaile Dhomhnach Bat a mhaolú agus rochtain mhalartach a sholáthar le haghaidh Phort Reachrann agus oirthear Dhomhnach Bat. Chomh maith leis sin, beidh sé mar bhonn le rochtain ar an Ospidéal Náisiúnta Meabhairshláinte Fhóiréinsigh a fheabhsú, a mbaineann tábhacht straitéiseach leis, nuair a bheidh an áis náisiúnta seo oscailte.
Bhí an méid seo a leanas le rá ag Méara Fhine Gall, An Comhairleoir Eoghan O’Brien: “Cúis áthais dom fáilte a chur roimh An Taoiseach chuig Domhnach Bat inniu agus léargas a thabhairt dó, ón droichead nua os cionn an iarnróid, ar an tairbhe a bhainfidh Domhnach Bat agus Port Reachrann as. Chomh maith leis sin, bhí deis agam an tslí atá luaite leis an nglasbhealach beartaithe trasna Inbhear an Mhóinéir Leathain chomh fada le Teach Newbridge a thaispeáint dó, agus an spreagadh a thabharfaidh sé do chónaitheoirí agus do chuairteoirí araon a mhíniú dó.”
Méara
An Comh Adrian Henchy
Cúis áthais dom fáilte a chur roimh An Taoiseach chuig Domhnach Bat inniu agus léargas a thabhairt dó, ón droichead nua os cionn an iarnróid, ar an tairbhe a bhainfidh Domhnach Bat agus Port Reachrann as. Chomh maith leis sin, bhí deis agam an tslí atá luaite leis an nglasbhealach beartaithe trasna Inbhear an Mhóinéir Leathain chomh fada le Teach Newbridge a thaispeáint dó, agus an spreagadh a thabharfaidh sé do chónaitheoirí agus do chuairteoirí araon a mhíniú dó.
Bhí an méid seo a leanas le rá ag AnnMarie Farrelly, Príomhfheidhmeannach Chomhairle Contae Fhine Gall: “Is gné lárnach den bhonneagar straitéiseach é Bóthar Dáileacháin Dhomhnach Bat agus is cuid de Phlean Ceantair Áitiúil Dhomhnach Bat 2016-2022 é atá deartha chun bonneagar sóisialta agus fisiciúil a chur ar fáil sa cheantar chun pobail inbhuanaithe a chruthú. I dteannta le soláthar céimnithe de raon leathan cineálacha agus méideanna tí, tá pleananna ann áiseanna tráchtála agus áineasa a fhorbairt, lena n-áirítear Mol Oideachais & Áineasa Dhomhnach Bat, Glasbhealach an Mhóinéir Leathain, agus Páirc Dúlra an Chorrbhaile.”
Áirítear Bóthar Dáileacháin Dhomhnach Bat i measc ceann de thrí thionscadal straitéiseacha atá á maoiniú ag LIHAF laistigh den chontae, agus tá costas measta an tionscadail LIHAF seo cothrom le €14.15m agus tá €10.61m (75%) á mhaoiniú ag an Roinn Tithíochta, Pleanála agus Rialtais Áitiúil, agus tá an chuid eile á maoiniú ag Comhairle Contae Fhine Gall.
Is é MEIC Ltd an príomhchonraitheoir. Nuair a bhí an obair faoi lán seoil, bhí thart ar 100 pearsanra fostaithe ar an suíomh idir an príomhchonraitheoir agus na fochonraitheoirí éagsúla, agus bhí fostaíocht bhreise cruthaithe freisin do sholáthróirí agus seirbhísí lasmuigh den láthair ar fud shlabhra an tsoláthair.