Cruinniú na nÓg 2020 Fhine Gall – Glao Oscailte

Baineann an glao oscailte seo le gníomhaíochtaí, léirithe, léamha, ceardlanna, suiteáin ealaíne idirghníomhacha, srl. a bheidh ar siúl Dé Sathairn an 13 Meitheamh 2020 ar fud limistéar Fhine Gall. Is féidir imeachtaí aonuaire a chur ar siúl an 13 Meitheamh nó féadfaidh siad a bheith bunaithe ar thionscadail agus an toradh deiridh a thaispeáint ag imeacht poiblí saor in aisce an 13 Meitheamh.

Is imeacht uile-Éireann é Cruinniú na nÓg 2020 a dhéanann ceiliúradh ar agus a spreagann rannpháirtíocht leanaí agus daoine óga i ngníomhaíochtaí ar nós ealaín, ceol, códú agus ceardlanna amharclainne, léirithe, taispeántais, léamha, scannáin agus i bhfad níos mó. Tá gach imeacht saor in aisce, áitiúil agus bunaithe ar gníomhaíocht. Is lá é chun nithe a dhéanamh agus a chruthú. Tá Comhairle Contae Fhine Gall ag iarraidh clár leathan oibre a fhorbairt ar fud na bhfoirmeacha ealaíne go léir trí ghníomhaíochtaí, léirithe, ceardlanna forbartha nó tionscadail chruthaitheacha do dhaoine óga idir 0-18 mbliana d'aois. Ní mór go mbeach gach gníomhaíocht ar siúl ar fud cheantar Fhine Gall agus is féidir is a chur ar bun in ionaid phobail, i spásanna poiblí agus i bpáirceanna, scoileanna, leabharlanna agus in ionaid oiriúnacha eile.

Breithneofar gach foirm ealaíne agus foirm chruthaitheach lena n-áirítear, ach gan a bheith teoranta d’amharc-ealaín, ceol, damhsa, drámaíocht, scéalaíocht, puipéadóireacht, sorcas, ealaín sráide, léiriú, códú, dearadh, léamha, filíocht, ailtireacht, STEAM etc. Táimid ag lorg gníomhaíochtaí nuálacha atá uaillmhianach, nuálach agus a chothaíonn cruthaitheacht i leanaí agus daoine óga ó gach cúlra.

Tabharfar dámhachtainí suas go huasmhéid €2,000

An spriocdháta faoinar gá tairiscintí a chur isteach: An 20 Márta 2020

Is féidir an fhoirm iarratais a íoslódáil anseo

Le haghaidh tuilleadh eolais, déan teagmháil le [email protected]