Comhairle Contae Fhine Gall – Deis le haghaidh Comhordaitheoir Ealaíne Poiblí

Teideal íomhá: Coimisiún Ealaíne Poiblí do Chonair Ealaíne na Sceirí. Departing le Atsushi Kaga.

Tá Comhairle Contae Fhine Gall ag iarraidh duine aonair atá cáilithe agus spreagtha go cuí a cheapadh chun dul isteach ina hOifig Ealaíon dhinimiciúil. Tá ról lárnach ag post an Chomhordaitheora Ealaíne Poiblí i bhforbairt agus soláthar na hEalaíne Poiblí i bhFine Gall ón mbliain 2005 i leith, ag obair dó faoi cheannaireacht Caroline Cowley.
Le fiche bliain anuas, tá Comhairle Contae Fhine Gall tar éis í féin a bhunú mar choimisinéir ceannródaíoch Ealaíne Poiblí, agus í ag forbairt creat beartais láidir, bonneagair, agus tiomantas marthanach don ealaín a chomhtháthú isteach sna mórchláir chaipitil agus straitéiseacha uile ar fud na hearnála poiblí agus na hearnála príobháidí araon. 
Mar thoradh ar fhás leantach na hoibre sin, teastaíonn tacaíocht thiomnaithe agus leathnú tiomnaithe anois.
Tá Caroline Cowley ag aistriú isteach i ról an Leas-Oifigigh Ealaíon um Ealaín Phoiblí, áit a leanfaidh sí de threo straitéiseach na hEalaíne Poiblí i bhFine Gall a bhainistiú, á chinntiú go leanfar de chleachtais choimisiúnaithe a bheidh nuálach agus a mbeidh tionchar acu a fhorbairt.
Ag déanamh machnamh di ar an deis, dúirt Caroline Cowley: “Is am spreagúil é seo chun dul isteach san Oifig Ealaíon agus chun rannchuidiú leis an gcéad chéim eile den Ealaín Phoiblí i bhFine Gall. Tá cáil láidir tógtha againn as a bheith dírithe ar an ealaíontóir inár gcur chuige coimisiúnaithe, áit a mbrúimid teorainneacha, a n-oibrímid ar fud foirmeacha ealaíne éagsúla, agus a gcothaímid naisc fhiúntacha idir pobail agus áiteanna tríd an bpróiseas agus tríd an toradh araon.
Ó uair a thosaithe i leith, tá an clár tar éis forbairt chun trí shnáithe coimisiúnaithe ar leith a áireamh anois: Céatadán don Ealaín, Bonneagar Straitéiseach, agus Coimisiúnú Príobháideach Tráchtála agus Cónaithe.
Agus cartlann shuntasach saothar le healaíontóirí den scoth aici, leanann Comhairle Contae Fhine Gall de thabhairt faoin Ealaín Phoiblí trí éisteacht go domhain, trí ómós áite láidir agus trí chomhthéacs láidir, agus trí thiomantas d’aire a thabhairt. Tá sé mar aidhm lenár gcur chuige coimeádaíochta a chinntiú go gcuirfear gach tionscadal i gcrích de réir an chaighdeáin is airde agus go mbeidh tionchar acu ar fud an chontae.”

Tar ag obair linn!
Tá Comhairle Contae Fhine Gall ag lorg iarratais ó dhaoine aonair a aithníonn acmhainneacht na hEalaíne Poiblí chun ealaíontóirí agus pobail a nascadh le chéile agus a bhfuil scileanna láidre léiriúcháin agus eagrúcháin acu, chomh maith le tuiscint dhomhain ar an tírdhreach fisiciúil, cultúrtha agus sochpholaitiúil.
Is deis uathúil í seo rannchuidiú le forbairt leantach a dhéanamh ar chlár Ealaíne Poiblí a bheidh nuálach agus aitheanta go náisiúnta laistigh de cheann de na húdaráis áitiúla is forásaí in Éirinn.
Is é meán oíche an 21 Samhain 2025 an spriocdháta chun iarratas a dhéanamh ar an bpost seo.
Chun tuilleadh faisnéise a fháil faoi na ceanglais iarratais agus faoi na treoirlínte iomlána, féach: Deiseanna Fostaíochta agus Torthaí Reatha | Comhairle Contae Fhine Gall