Gairdín pobail nua i mBaile Maidheac oscailte go hoifigiúil

Cheiliúir pobal Bhaile Maidheac garsprioc mhór an tseachtain seo caite le hoscailt oifigiúil Ghairdín Pobail Bhaile Maidheac, ar spás glas nua bríomhar é atá deartha chun cónaitheoirí a thabhairt le chéile, chun inbhuanaitheacht a chur chun cinn agus chun teacht chun bheith ina ‘spás scíthe d’Fhine Gall’.

Tá an gairdín lonnaithe i gcroílár Bhaile Maidheac, Baile Átha Cliath 11, agus forbraíodh é trí chomhoibriú idir cónaitheoirí áitiúla, Comhairle Contae Fhine Gall, agus eagraíochtaí pobail. Ba í Jane McCorkell, dearthóir a bhfuil gradaim buaite aici, a dhear an gairdín. Tá sé roinnte ina thrí spás ina bhfuil eilimintí uirbeacha, folcadán foraoise, agus gnéithe simplí tírdhreacha. Tá sé mar aidhm le leagan amach geoiméadrach an ghairdín spéis a mhúscailt i measc úsáideoirí ócáideacha na páirce agus iad a spreagadh chun an gairdín a iniúchadh trí fhéara ornáideacha agus plandaí brat talún a roghnaíodh as saintréithe atá tarraingteach do na céadfaí.

Ba iad an Comhairleoir Tom O’Leary, Méara Fhine Gall, AnnMarie Farrelly, Príomhfheidhmeannach Chomhairle Contae Fhine Gall, agus ionadaithe ó Rannán Páirceanna agus Tírdhreacha Chomhairle Contae Fhine Gall agus ó Ghrúpa Pobail Bhaile Maidheac a d’oscail an gairdín go hoifigiúil.

Ag labhairt dó ag an ócáid, dúirt an Comh. Tom O’Leary, Méara Fhine Gall: “Tá ríméad orm a fheiceáil go bhfuil an taitneamhacht pobail iontach seo do cheantar Bhaile Átha Cliath 11 oscailte. Tá spásanna glasa thar a bheith tábhachtach chun an tsláinte fhisiciúil agus an mheabhairshláinte a chur chun cinn agus chun naisc shóisialta agus folláine pobail a chothú. Is eiseamláir iontach den mhéid is féidir a bhaint amach nuair a thagann pobal le chéile é Gairdín Pobail Bhaile Maidheac. Comhghairdeas le gach duine a ghlac páirt ann.”

Dúirt AnnMarie Farrelly, Príomhfheidhmeannach Chomhairle Contae Fhine Gall: “Ba mhaith liom aitheantas a thabhairt don obair den scoth atá déanta ag ár Rannán Páirceanna agus Tírdhreacha agus do na grúpaí pobail áitiúla as an tionscadal seo a thabhairt chun críche. An gairdín seo, atá suite in aice le hIonad Pobail agus Clós Súgartha úrnua Bhaile Maidheac, tá sé mar chuid de mhórfhorbairt Pháirc Bhéal Átha Liag, agus beidh sé ina thaitneamhacht den scoth a mbeidh gach duine in ann taitneamh a bhaint aisti.”

Tá díriú ar an inbhuanaitheacht ag an ngairdín freisin, agus an t-ábhar ar fad a úsáideadh chun é a chur le chéile ag teacht ó ábhar ó iostaí de chuid na Comhairle atá ina bharrachas ó thionscadail eile. Tá sé mar aidhm leis an prionsabal ‘Laghdaigh, Athúsáid, Athchúrsáil’ a léiriú.

Dúirt Kevin Halpenny, Oifigeach Páirceanna agus Tírdhreacha Sinsearach i gComhairle Contae Fhine Gall: “Tá Gairdín Pobail Bhaile Maidheac ina léiriú ar conas a

rannchuidíonn spás oscailte uirbeach dea-dheartha go dearfach le ‘hinchónaitheacht’ ár mbailte agus ár gcathracha. Táimid bródúil as ár gcion féin a dhéanamh chun an tionscadal seo a chur i gcrích agus tá súil againn go mbainfear úsáid mhaith as an ngairdín seo go ceann i bhfad.”