€19,550 bronnta ag Comhairle Contae Fhine Gall faoin Scéim Deontais Spóirt don Aos Óg
Tá €19,550 bronnta ag Comhairle Contae Fhine Gall ar 46 club spóirt ar fud Fhine Gall faoin Scéim Deontais Spóirt don Aos Óg.
Cheadaigh comhairleoirí an maoiniú trína leithdháilfear €425 ar geach ceann de na heagraíochtaí rathúla.
Díríonn Scéim Maoinithe na bliana seo ar cheannach trealaimh a mhaoiniú chun a chur ar chumas clubanna spóirt atá ag obair le daoine óga filleadh ar a spórt go sábháilte tar éis srianta Covid-19.
Thug Oifig Spóirt Fhine Gall, atá mar chuid de líonra Chomhpháirtíochtaí Spóirt Áitiúla de chuid Spórt Éireann, cuireadh do chlubanna spóirt iarratas a dhéanamh ar dheontas beag faoin scéim seo. Bhí ar iarrthóirí rathúla roinnt critéar a chomhlíonadh ar nós spórt do dhaoine óga a bheith mar phríomhfhócas acu agus coiste bainistíochta deonach a bheith acu le hoifigigh thofa.
Dúirt Príomhfheidhmeannach Chomhairle Contae Fhine Gall AnnMarie Farrelly: “Tá an-áthas orainn an maoiniú suntasach seo a dheonú d’eagraíochtaí spóirt ar fud Fhine Gall. Tá ról chomh lárnach ag ár gclubanna spóirt i sláinte agus folláine ár bpobail. Ba mhaith liom tréaslú leis na hoibrithe deonacha go léir a thug a gcuid ama agus fuinnimh dá gclubanna.”
Dúirt Leas-Mhéara Chomhairle Contae Fhine Gall, an Comhairleoir Daniel Whooley: “Fuair Comhairle Contae Fhine Gall go leor iarratas ar chiste na bliana seo, rud a léiríonn an spéis sa tionscnamh. Is cuid rí-thábhachtach de shaol daoine óga é an spórt, tá fíoráthas orm go bhfuil aitheantas á thabhairt do seo. Tríd an maoiniú seo a sholáthar cinntítear gur féidir le daoine óga i bhFine Gall leanúint ar aghaidh ag baint taitneamh as spórt a imirt ina gclubanna áitiúla.”
Tar éis scrúdú a dhéanamh ar gach iarratas, socraíodh deontas de €425 a bhronnadh ar na clubanna spóirt seo a leanas:
-Activmultisport
-Club Leadóige Tábla Bhaile Brigín
-Club Sacair Bhaile an Ridire
-Club Leadóige Bhaile an Ridire
-Club Sacair Bhaile Scadán
-Cumann Cruicéid Chaisleán Cnucha
-Club Snámh Chúil Mhín
-Club Leadóige Dhomhnach Bat-Phort Reachrann
-Club Oilimpicí Speisialta Dhomhnach Bat-Phort Reachrann
-Club Cispheile Sonics Bhaile Átha Cliath
-Club CLG Erin go Bragh
-Club Trí-Atlain Fhine Gall
-Club Sacair na Gléibe Thuaidh
-Cumann Leadóige Phlásóg an Gharráin
-Club Karate Inis Fáil
-Club Cispheile Lochlannach na hÉireann, Baile Brigín
-Club Spóirt agus Lúthchleasaíochta Reachrann
-Club Snámh Lir
-M & F Aontaithe
-Cumann Cruicéid Mhullach Íde
-Cumann Gailf Mhullach Íde
-Cumann Leadóige Mhullach Íde
-Club Sacair Mhullach Íde Aontaithe
-Club Luamhaireachta Mhullach Íde
-Man O'War GFC
-Naomh Barróg CLG
-Cumann Cruicéid an Chontae Thuaidh
-Club Badmantan Sóisearach PSLC
-River Valley Rangers
-Cumann Lúthchleasaíochta na Sceirí
-Club Badmantan Sóisearach na Sceirí
-Cumann Leadóige na Sceirí
-Club Seoltóireachta na Sceirí
-GFC Naomh Colmcille
-AFC Naomh Ita
-Club Póló Uisce Naomh Uinseann
-Starlights GFC
-Cumann Leadóige Chill Fhionntain
-Club Haca Chill Fhionntain
-Club Peile Mhainéar Shoird
-Cumann Leadóige Trackside