Comhairliúchán Poiblí maidir le hUiscí Snámha i bhFine Gall a Aithint do Shéasúr Snámha 2026

Tá Comhairle Contae Fhine Gall ag iarraidh ar dhaoine a shnámhann ar thránna, lochanna agus aibhneacha a dtuairimí a chur in iúl mar chuid den athbhreithniú bliantúil ar uiscí snámha ar fud an réigiúin.

Ní mór d’údaráis áitiúla limistéir snámha oifigiúla ina gceantar a aithint gach bliain ionas gur féidir monatóireacht a dhéanamh orthu maidir le sábháilteacht, cáilíocht uisce agus a leibhéal úsáide. Chun cabhrú leis an bpróiseas seo, tá Comhairle Contae Fhine Gall ag iarraidh ar dhaoine a shnámhann ag tránna, lochanna agus aibhneacha a insint dóibh an gceapann siad gur cheart dóibh ainmniúcháin uiscí snámha ainmnithe atá ann cheana a choinneáil nó ainmniú nua limistéar snámha oifigiúil a thabhairt do limistéir a úsáidtear go coitianta le haghaidh snámha, ach nach bhfuil sainaitheanta faoi láthair.

Faoi dhlí na hEorpa agus na hÉireann, ní mór d’údaráis áitiúla na hÉireann uiscí snámha a aithint gach bliain ionas gur féidir monatóireacht a dhéanamh ar na limistéir seo lena chinntiú go gcomhlíonann siad caighdeáin dhiana cháilíochta uisce micribhitheolaíocha. I gcásanna áirithe, is iad na limistéir snámha oifigiúla na limistéir freisin ina ndíríonn na húdaráis áitiúla a gcuid acmhainní ar sholáthar gardaí tarrthála i rith shéasúr an tsamhraidh. 

Éilíonn na dlíthe seo freisin go n-ullmhaíonn an t-údarás áitiúil tuairiscí nó próifílí mionsonraithe do gach ceann de na láithreáin uisce snámha atá sainaitheanta ina ndéantar cur síos ní hamháin ar an limistéar snámha ach freisin ar limistéir i ndobharcheantar uiscí dromchla a d’fhéadfadh a bheith ina bhfoinse truaillithe. Áirítear sna próifílí measúnú ar an mbaol truaillithe agus ar an ngníomh a dhéanfaí dá dtarlódh truailliú.

Níl aon ghanntanas áiteanna snámha iontacha le taitneamh a bhaint astu i bhFine Gall, agus na limistéir snámha atá sainaitheanta faoi láthair mar seo a leanas:

• Trá Claremont, Binn Éadair
• Trá an Choinicéir, Cill Fhionntain
• Trá Phort Mearnóg
• Trá Bhaile Carraige, Domhnach Bat
• Trá an tSrutháin, Port Reachrann
• Trá Theas, An Ros
• Trá Thuaidh, An Ros
• Trá Loch Sionnaigh
• Trá Theas, Na Sceirí
• Trá Bhaile Brigín

Tabhair faoi deara, le do thoil, cé nach bhfuil Trá Mhullach Íde aitheanta mar limistéar snámha, tá gardaí tarrthála i bhfeidhm mar a cheanglaítear le Measúnú Riosca Shábháilteacht Uisce Éireann (Bratach Dhearg Leanúnach).

Más snámhaí rialta thú agus más mian leat cabhrú le do Chomhairle cinneadh a dhéanamh faoi na limistéir snámha ba chóir a aicmiú mar sin, b’fhéidir go mbeadh sé ina chuidiú duit na nithe seo a leanas a mheas:

• An chaoi ar baineadh úsáid as do limistéar snámha go dtí seo;
• Cé mhéad duine a úsáideann an suíomh;
• Cad iad na háiseanna atá ar an suíomh agus cé chomh inrochtana is atá sé;
• Aon saincheisteanna sábháilteachta.

Más mian leat do thrá/abhainn is fearr leat srl. a mholadh mar shuíomh nua uisce snámha nó trácht a dhéanamh ar shuíomh atá ann cheana féin, déan d’aighneacht tríd an tairseach comhairliúcháin consult.fingal.ie nó seol d’aighneacht i scríbhinn chuig: An Roinn Oibríochtaí (Uiscí Snámha), Comhairle Contae Fhine Gall, Bóthar an Gharráin, Baile Bhlainséir, Baile Átha Cliath 15.  

Is féidir torthaí cháilíocht an uisce snámha agus aicmiú bliantúil na n-uiscí snámha a fheiceáil ag www.beaches.ie. Is féidir an tuarascáil is déanaí atá ar fáil ón GCC, Tuarascáil ar Uisce Snámha in Éirinn, a fheiceáil anseo: https://www.epa.ie/publications/

Is é Dé hAoine, an 26ú Meán Fómhair 2025 an dáta deiridh le haghaidh aighneachtaí a chur isteach. 

Le haghaidh tuilleadh eolais faoi Thránna Fhine Gall agus Cáilíocht Uisce Snámha