Iompar
Is iomaí dúshlán a bhaineann leis an bhfís straitéiseach do Shord a bheith ina cathair nua inbhuanaithe le daonra de 100,000 (“Do Shord, Cathair atá ag Teacht Chun Cinn, Fís Straitéiseach 2035, Comhairle Contae Fhine Gall 2008) ó thaobh gluaiseachta agus inrochtaineachta de
B’ionann daonra an bhaile agus 43,000 de réir an Daonáirimh is déanaí ó 2016; 6,000 níos mó ná Daonáireamh 2011, rud a fhágann go bhfuil Sord ar cheann de na bailte is mó agus is mó fáis in Éirinn. Leis an nglúin laethúil reatha de thart ar 21,000 turas oibre agus 10,500 turas scoile, cuirtear ualach suntasach ar an mbonneagar agus na seirbhísí iompair atá ann cheana ar nós seirbhísí bus, an líonra bóithre atá ann agus Aerfort Bhaile Átha Cliath in aice láimhe.
Leis na moltaí suntasacha chun an líonra iompair phoiblí a fheabhsú trí mhórscéimeanna a sheachadadh mar Metrolink agus BusConnects chomh maith le tograí líonra bóithre mar Bhóthar Dáileacháin an Iarthair, Nascbhóthar Bhaile an Fhoraistéaraigh agus uasghrádú Bhóthar na Foraoise tabharfar acmhainn shuntasach don líonra iompair a fhreastalaíonn ar Shord ach go háirithe iad siúd atá ag taisteal lasmuigh chuig Sord.
Tá an bonneagar atá ann faoi láthair laistigh de Shoird easnamhach go háirithe maidir le modhanna inbhuanaithe ar nós siúlóide agus rothaíochta. Go stairiúil díríodh gluaiseacht idirthurais i gceantar na Sord ar na conairí thuaidh theas den Phríomhshráid/Bóthar Bhaile Átha Cliath agus an R132 le leagan amach as dáta na mbóithre seo ag tabhairt tosaíochta do thaisteal i bhfeithiclí mótair. Faoi láthair fanann timpeall 25% de na turais oibre agus 60% de thurais scoile laistigh de Shord a bhféadfadh na modhanna siúlóide, rothaíochta agus iompair freastal orthu.
De bharr leagan amach stairiúil Shráidbhaile Shoird, leis an bPríomhshráid ag scaradh na dobharcheantair chónaithe thiar ó na tailte tráchtála agus fostaíochta thoir atá ann cheana agus atá beartaithe don todhchaí, tá dúshláin ann do na naisc riachtanacha a sholáthar a d’fhéadfadh freastal go hinbhuanaithe ar an ngluaiseacht inmheánach seo. I Staidéar Iompair Fhine Gall Theas, sainaithnítear moltaí chun aghaidh a thabhairt ar na heasnaimh seo. Mar chuid de Sord Inbhuanaithe, tá dul chun cinn le déanamh ar an bhforbairt dearaidh agus ar na tionchair a bheadh ag na moltaí gluaiseacht-bhunaithe seo.