Ollchomórtas Filíochta Óige Wavin’ Words

Tá an tArdán Slamfhilíochta ar ais do Chruinniú Late ag an bhféile cheoil do dhéagóirí ‘We Own the Castle’ i gCaisleán Shoird — agus tá sé níos mó agus níos fearr ná riamh! Beidh ionad an tSéipéil laistigh de thailte an chaisleáin ar an suíomh ina mbeidh filí óga in ann slamfhilíocht a dhéanamh agus a gcuid saothar a rapáil, a thaibhiú, nó a léamh. Tá meascán iontach de phodchraoltaí filíochta, de thaibhléirithe beo, de sheisiúin micreafóin oscailte, d’idirghníomhaíocht leis an lucht féachana, agus de thabhartais leabhar ar fáil i gclár na bliana seo — tá rud éigin filíochta ann do gach duine! Bain sult as taibhléirithe ó Yasmine Al Ja Afrehova, Ambasadóir Chruinniú na nÓg de chuid Fhine Gall, agus ó Eva Mary Lucy, an Curadh Slamfhilíochta Uile-Éireann. Beidh an Podchraoladh Poetry’s Dead á thaifeadadh go beo, agus beidh Sheila Ryder agus Dave Hynes ina n-óstaigh agus ag cabhrú leis an draíocht a sholáthar. 

Más mian leat taibhiú, seol d’ainm agus d’uimhir i dteachtaireacht phríobháideach ar Instagram chuig @wavinwords nó seol ríomhphost chuig library.e%76en%74%[email protected] " rel="nofollow"> [email protected] agus beimid i dteagmháil leat. Agus má bhíonn fonn ort taibhiú ar an lá – ná bíodh aon imní ort, beidh cúpla áit á gcoinneáil siar againn!