Bronnadh Dámhachtain Graphic Studio Chomhairle Contae Fhine Gall 2019 ar an ealaíontóir Sorca O’Farrell ó Bhinn Éadair

Bronnadh cónaitheacht phrionta mínealaíne Chomhairle Contae Fhine Gall ag Graphic Studio, Baile Átha Cliath ar Sorca O’Farrell ní ba luaithe i mbliana. Cuireann an chónaitheacht seo an deis ar fáil d’ealaíontóir atá ag teacht chun cinn nó atá cruthaithe chun prionta mínealaíne a dhéanamh leis an máistirchlódóir Robert Russell ag Graphic Studio, Baile Átha Cliath.

Ealaíontóir tírdhreacha ó Bhinn Éadair í Sorca agus chríochnaigh sí a cónaitheacht i rith mhí na Bealtaine/an Mheithimh. Freagairt dhíreach agus mhothúchánach é a saothar ar an tírdhreach atá i ngar don áit a gcónaíonn sí i mBinn Éadair, áit a bhfuil go leor cuimhní ann.

I rith an ama a chaith sí ag Graphic Studio, chruthaigh Sorca eagrán teoranta priontaí agus cuirfear profa an ealaíontóra le Bailiúchán Ealaíon Chomhairle Contae Fhine Gall.

Ar chríochnú na cónaitheachta, dúirt Sorca, ‘Tá dhá phrionta agam a bhfuilim an-sásta leo (agus tá roinnt ceann ó gach eagrán díolta agam cheana féin), d’fhoghlaim mé AN OIREAD SIN teicnící nua, agus tá tuiscint i bhfad níos doimhne agam ar fhoighne, athléimneacht agus gairmiúlacht dhochreidte an Mháistirchlódóra, Niamh Flanagan. Táim bainte siar go mór aici féin agus ag a comhghleacaithe ag Graphic Studio. Tá atmaisféar álainn tacúil foirne ann san fhoirgneamh.’